بصراحة أحلى الفنادق الي سكنتها ابراج الامارات روعه والاسواق كثيره
ما قلتي وين بتنزلين؟ إذا كنت بتين دبي فأنصحج تسكنين في:
فندق أبراج الإمارات لأنه روعه وكل شي متوفر فيه وسعره مناسب جداً اليوم بـ 600 درهم تقريباً فيه مركز تسوق راقي جدا
فندق جميرا بيتش رائع ويطل على الشاطئ وقريب جداً من برج العرب والوايلد واديً
فندق فيرمونت مريح جداً والمطاعم اللي فيه روعه وأرخص نسبياً الليلة بـــ 300 تقريباً
وإذا كنت تدورين السكن المريح و الرخيص اسكني في البستان رزدنس الغرف استوديوم مجهزة بكل شي تحتاجينه للطبخ وسعرها زهيد 200 درهم تقريباً والبستان هو حذاله مركز تسوق حلو ومدينة ألعاب للأطفال وكان فيه سينما ومطاعم بس مادري ليش شلوهم


محلات العطور بتلقيناها في كل مراكز التسوق وتقريباً نفس أسعاركم:
باريس غاليري ،،، دبنهامز
أجمل
الرصاصي
الشركة العربيه للعود
عبد الصمد القرشي


مادري شوتقصدين بالطرح ولكن بقولج على أرقى محلات بيع الشيل والعبايات:
حناين في سيتي سنتر والغرير
سيدتي الجميلة في أبراج الإمارات
الحلوة في الملا بلازا
مركز أبوهيل مركز مخصص لمحلات الشيل و العبي

أما المطاعم:
مطعم شانديز: إيراني يسوي مشاوي وجلو كباب يم يم
مطعم قصر الهند إذا كنت تحبين الأكل الحار
مطعم صدف إذا كنت تبين بوفيه بحدود ال 50 درهم للشخص
المميز عندنا واللي مالقيته عند غيرنا من الدول ان الأسعار للماركات العالميه في أسواقنا أرخص من غيرنا لأنها معفاة من الضرائب فوفري فلوسج وتعالي تسوقي من عندنا
والله قارنت الأسعار وهذا اللي استنتجته
بالنسبه لاحسن الفنادق قراند حياة يشبه(هلتون جده)يمكن من سنه مفتوح يعني جديد والثاني جميرا بيتش اناجربت سويت يجنن
لكن لوتروحين لمكتب سياحي اول ماتوصلين يكون افضل فيه بشارع الرقه مكتب اسمه عرب لنك راح يفيدك اكيد
امابالنسبه
للتسوق كل اسواقهم مثل الرياض ستي سنتر برجمان الغرير حمرعين
السوق الوحيد اللي فعلا غير ميركاتو وفيه مطعم ايطالي راقي اما المحلات اللي فيه عاديه جدا
لا ينبغي ان تقول كل ما تعرف
ولكن ينبغي ان تعرف كل ما تقول
دمـعـ غيـوم ـة
أختي أنا مخزنة أشياء عن أهم المحلات اللي في دبي كنت ماخذتنها من المنتدى فتعذرني الأخت اللي كانت كاتبه الموضوع لأني نسيت اسمها....أختي راح تلاحظين ان بعض المعلومات متكررة لأني نسختها لج مثل ماهي وما رتبتها فاعذريني لأن ما عندي وقت...


: ملابس الداخليه والشلح :::

محل نوراني في سوق الجديم في الشارجه
مركز منال في دبــــي
محل نعومي


:::مكياج وكريمات للجسم:::

ريد ايـــرث في الشارجه (ميغامول)

بودي شوب في الشارجه (ميغامول)

محلات مكياجي في الشارجه (ميغامول)



:::محلات الجلاليب وبعض الشغلات الهنديه والقطع والشيل والعبايات:::


مينا بازار في دبــــي (شغلات هنــــديه وفستانين)

سوق عكاظ في دبــــي

سوق السور في الشارجه (الاقمشه)

اليشمك في دبــــي (مغربيات وجلاليب)

ومحل ركــن الدجـــى في دبــــي (مغربيات وجلاليب)

بن سوقات مول في دبــــي(جلاليب ومغربيات)

مركز بوهيل في دبــــي (العبي وشيل)

محل حناين في الشارجه (العبي والشيل)

أبراج الامارات في دبــــي محل فير ليدي (العبي والشيل)

فيرست شويس في الشارجه ميغامول (العبي والشيل)

ميغامول في الشارجه محلEve N Black

صناعية عجمان اكييد في عجمان (ملابس جاهزه)

شيـــل وعبــايـــات

- إيليـت (Elite) والبندر:
إذا ما كنت غلطانة هذيلا فرعين لنفس الشركة.
إيليت موجود في بالم سترب والبندر في برجمـان...
عندهم موديلات حلوة بس محدودة.. وأسعارهم تتفاوت..
عندهم الغـالي.. وعندهم اللي نسبياً أرخص..

- ملكة الليــل في شارع أم هرير (زعبيـل)

- مركز بوهيـل مثل ما قالن خواتي اللي فوق:
معظم موديلات العبي والشيل اللي موجودة في المحلات المعروفة..
تتقلد وتنباع في بوهيل.. وبما إنه محلات العبي والشيل في مركز
بوهيل عليها إقبال كبيرتلقين عندهم حركات وفناتق يمكن ما
تكون موجودة في المحلات المعروفة..
وأهم شي أسعارهم في (متناول الجميع)..

- محل غواني:
عنده أفكار كـول وخفيفة للشيـل... عملية يعني..

الملابس الداخليــة وقمصــان النوم

- محل كاريس:
في مركز وافي عنده قمصان نوم للعرايس والمرابي..

- شانتيل:
محل ملابس داخلية في مركز برجمـان...

- لابيرلا:
قمصـان نوم وملابس داخلية راقيــة...

- لوجيــن:
قمصــان نوم خفيـفة خاصة حق المرابي..
في مركز الغريــر...

- محلات ماري كليــر:
له عدة أفرع في دبي: شارع المكتوم، سوق مرشد وتاون سنتر..

- ديكامب في مركز برجمـان:
عنده قمصان نوم كلاسيكية بسيطة في شكلها بس مب بسيطة
في سعرها..وعنده أطقم مناشف وأرواب وشراشف للسرير..

الشـــنط

- محل سكوب في برجمـان:
عنده شنط مميزة وأسعارها نوعاً ما أرخص عن شنط الماركات..

- محل كارن ميلن في الستي سنتر وبالم سترب:
كمية الشنط محدودة بس إلا ما يكون في الكولكشن
شنطة أو شنطتين مميزات..

- محل Fortune Duck في مركز الغريـــر...

الأحـــــذية

- ماريا بينو في الستي سنتر..
- بريتي فت (Pretty Fit) في مركاتو..
- دومينو..
- فالنسيا في الستي سنتر..أكثر شي يميزه إنج تلقين عنده أبوات مريحة طول السنة.. حتى في الصيف..


وهذي من احسن محلات العبي والشيل

حناين ( سيتي سنتر - مركز الغرير )
غواني ( مركز الواحة )
ماي فير ليدي ( أبراج الامارات )
سويت ليدي ( مركز الغرير)
(مركز بوهيل) محلات ووايد منها الزينة
بدون اسم ( مركز صحارى )
منتصف الليل ( مركز صحارى )
فيرست شويس ( ميغا مول )
إيف أند بلاك ( ميغا مول )
بلودان(في جميرا بلازا)
لارين(في مركز وافي)
غشوة الزين(مركز الواحة)


محلات متخصصة في الملابس الداخلية
لاسنزا
بي اتش اس
في مركز ابو هيل محلات وايد
ايفانز

ولاتنسين تسيرين مركز الملا بلازا لأنه دايما يسوي معارض وتلقين عندهم أشياء كثيرة....


أما بالنسبة للفنادق فدبي فنادقها كثيرة وأسعارها متفاوتة....بس أنصحج اذا كنت تبين توفرين أو تقتصدين من ايجار السكن فروحي الشارقة أو عجمان لأن السكن فيها أرخص وماهي بعيدة يعني بين دبي والشارقة تقريبا ربع ساعة...


واعذريني على الاطالة...ويامرح ا بك في الامارات...واذا عندج أي استفسار ترا بنات الامارات في الشوفة وما يقصرن...


الساعة الآن 04:12 .