السلام عليكم بنات حواء عامه و خااااااصه بنات الامارات ...بلادي الحبيبه

.خاطري في خبز الخمير من زماااااااان و كل يوم افتح موضوع الاخت بيان و اتامل خبز الخمير ..و اتذكر خمير بيت امي

اسمحيلي بيان اخذت الصوره من موضوعج ..

و كل ويك اند اسوي لزوجي بلاليط ليييين ما تملل و طفر و قالي سوي شي غير مليت صار يكره البلاليط

المهم قررت اسوي خبز الخمير ...بس المشكله ما عندي المخبز او الجهاز ماله ... لا تقولين روحي اشتري ...تراني مب في البلاد اروح اشتري

الحينه كيف اسوي خبز الخمير ....يعني اقدر اسوي على الفرن عادي يعني احطه في المقلاه و يوم يستوي اقلب الخبزه ... و لا احطها في الفرن و افتح عليها النار من تحت و بعد ما تنتفخ افتح من فوق ؟؟؟؟

قولولي بليييييييز ارجوووكم قبل الويك اند ابي اسويه خاااااااطري فيه

و بعد تذكرت سويت خبز الجباب ..تطلع الريحه صح ريحه جباب و الطعم صح طعم الجباب ..بس الشكل طلع غلط ما طلعت فيه الخبوق طلع خبز اصفر ...خفقته و حركته علشان تطلع فيه الفتحات ما طلع شي ...شكله مب حلوو شو المشكله خبروني اذا تعرفون


انتظر ردكم على احر من الجمر

أختي الغالية : marmora

أنا مثلك يعجبني شكل الخبز و ما عندي المخبز المخصص

في انتظار راعيات الفزعات
شوفو تراني ما جربت

بس أنا عندي المخبز

وأعتقد أنك لازم وضروري تخلي الفرن حاااااااااااااا اااااار

وتقلي الخبز من تحت الى أن تحمر بدون زيت وأول ما تتحمر تدخليها بالفرن

لأنه مع المخبز نحطي الخبزه فوق ولما تحمر من تحت ندخلها بالداخل ويكون مثل الفرن حاااار ومولع من فوق


وجربيه قبل الويك اند علشان تتأكدي
شكرا دلوعه ...لو انها متاخره


جربه خبز الخمير مريتين ... و فشلت ...المره الاولى قلت يمكن ما تخمر عدل طولت مده التخمير في المره الثانيه لكن بعد فشلت ...
اول شي ما ينتفخ الخبز وايد يعني بس ينتفخ على شكل فقاعات ...و انا سويته على الفرن و بعدين نخلته في الفرن ..لكن يطلع ياااااااااااااا ااااااابس و فيه مثل فقاعات ..و ما يتبطل اذا بغيتي تفتحين الخبزه يكون لازق في بعض

في حد يعرف شو السبب اول طرقه ثانيه اقدر اسوي ...خاطري فيه من زماااااان و اليوم يوم فشلت قلت خلاص ما بسوي ...متى ارجع بيت امي و اخليهم يسون لي خمير
غيري طريقة العجينة
و خليها تخمر كفاية 3 ساعات تقريبا (عن تجربه )

أفرديها بسمك 1سم و حطيها على المقلاه و هو ساخن جدا و إذا تغير لونه قليلا ( مو يتحمر )
ادخليه إلى فرن ساخن جدا


بالتوفيق


الساعة الآن 05:15 .