Analysis Services
السلام عليكم ورحمة الله وبركاته
حكاية صديقتي حتى ماتلتبس عليكم المواضيع في ملفي..........
انا استفدت منكم كثير وساعدتوني كثير لذلك حبيت احكي لكم حكايتي مع مركز العنايه بالشعر 101 في الرياض حتى تنتبهون ومايصير لكم اللي صار فيني
والله على مااقول شهيد
رحت لمركز سلمكم الله بناء على كلام الكثيرات يمدحون فيه للشعر والبشرة وقلت خليني اهتم بنفسي شوي خصوصا ان زوجي مسافر دورة دراسة للخارج لا وليتني ماسويت

المهم دخلت عالدكتوة وشافت المنطقه (والدة من شهروكلي كلف وو) وقالت ان الحل عندها بس يكلف 2000ريال بس قلت اوكي يستاهل ابو الشباب
تدرون مسحت مسح بكريم خفيف هذا كل اللي سوته بالفين ريال وقالت خلصنا قمت وقبل لااطلع من الباب قالت راح اكتب لك على كم دوا ضروري للعلاج (لاحظو ماتكلمت الا بد ماشافتني دفعت الالفين)قلت اي دوا ماقلتي لي شي عن دوا او غيره ؟؟؟؟؟؟؟قالت مو غالي دوا مهم وبدونه كنا ماسوينا شي (قلت امري لله اكمل ...........صعقت يوم لقيت الادويه ب3000ريال (3علب )تخيلو وانا حاسبه ان كل العلاج ب2000 قلت لها ماقلتي لي هالشي من اول قالت ترى اذا مااخذي الدوا كنك ماسويتي شي وانتي حره وهالخلطه (الدوا مو موجود الا عندنا في المركز)
حسبي الله عليها وعلى هذا المركز اللي يتلاعب بالمراجع ولا يقول الحقيقه كامله الا بعد مايتوهق الواحد ويدفع نص المبلغ
اضطريت ادفع حتى ماتروح الالفين ريال هوا
ورجعت البيت ومامر اسبوع الا خلص الكريم (الخلطه اللي ماتتسوى الا عندهم) تدرون كم حجمها حجم علبه كريم كيلي الاحمر )وباقي كريمين نوع ثاني مااعرفه
اتصلت عليها
قلت خلص الكريم قالت ارسلي احد ياخذ علبه ثانيه من عندنا لان اذا وقفتي العلاج الحين كنك يازيد ماغزيت؟؟؟؟؟؟؟؟؟
ااااااااااااه بموت قهر تقسط علي الكلام بالتقسيط
لو كانت صريحه من البدايه وقالت علاجك يكلف 1-2-3 ولازم تشترين 1-2-3 يعني اجمالي العلاج كذا مو كان عرفت امكانياتي ووافقت او رفضت ليه الغش والكذب ياناس
رحت لصيدلي قريب من بيتي شاف الادويه ابتسم وقال صراحه ضحكت عليك و...بقوة
اولا الخلط مااعرف مكوناتها لانها من عندهم اما الكريمين الثانيين مرطبات لااكثر وماتسوى كل هالمبلغ
قصتي هذي حتى تتعظون مني والعاقل من اتعض بغيرة
وماتسوون اللي سويت اذا رحتم اي مركز اسالو بكامل العلاج والادويه وهل لاز يتكرر وكم التكلفه لاتخلونهم يضحكون عليكم ويستغلون طيبه او جهل المواطن الله لايحللهم ولا يسامحهم
وليت في النهايه القى شي او نتيجه مجرد قشور بسيطه حول المنطقه
15-08-1430 هـ, 12:56 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1


يااحيااتي

ان شااء الله ربي يعووضك

وحسبي الله عليهم

تحيــآآتوو
15-08-1430 هـ, 01:00 مساءً
 
يعطيك ربي العافيه
15-08-1430 هـ, 01:08 مساءً
 
حسبي الله عليهم ونعم الوكيل
عن جد غش ونصب...
15-08-1430 هـ, 01:37 مساءً
 
يالله جد قهر

الله يعوضك حبيبتي

بس ياليت تحطين اسم المكان الي رحتي لة
15-08-1430 هـ, 02:38 مساءً
 


الساعة الآن 08:29 .