السلام عليكم ورحمة الله وبركاته

اخواتي الكريمات بكل صراحه انا زائره متواجدة باستمرار في المنتدى الطيب هذا ..
ويعلم الله اني استفدت منكم في امور كثيره ..
انا اليوم بأسجل اول موضوع لي .. واتمنى الاقي التأييد منكم وان يعينني ربي عز وجل ويسخر لي عبيده عشان نكمل هذي الفكره . ويسخرنا لنفيد المحتاج من خلقه ..

الفكره هي :

انو نحنا نوصل للناس اللي ع النت طلبات المحتاجين لوظيفة او موظفين او مشروع أو ....

يعني اللي ما يقدر يوصل للنت نحنا نساعده ..

والله العظيم يا جماعه الخير ان الناس كثير محتاجه تتكاتف لتساعد بعضها وكمان والله العظيم ان الفكره هذي رح تفيد كثير ناس كمان .. ووالله العظيم انو من جد صار لاااااااااااازم نرجع زي ما قال رسولنا عليه الصلاة والسلام .. كالبنيان يشد بعظه بعضا .. و كالجسد الواحد اذا اشتكى منه عضو تداعي له سائر الجسد بالسهر والحمى _فيما معناه_

لا تقولوا فكره سخيفه ولا تقولوا محد فاضي ..
لمن نبغى ندور لنا على رزق نلاقي وقت ولما نبغى ننبسط نلاقي وقت حتى لو بالقوووووه ولمن ولمن ..
معليش خلونا نحط هالموضوع من أولوياتنا وباذن الله رح نلاقي وقت لو 10 دقايق كل اسبوع ..

اول شيء .. خلوا شعارنا هو ..
كالبنيان يشد بعضه بعضا

والشعار لنا هو هذا .. ورح يكون في تحديث مستمر ..

[/url][/IMG]


أما بالنسبة لأول موضوع في هذا الملف ...


(1)
هو ....

محل لزينة السيارات
في المملكة العربية السعودية في القنفذه

معروض للتقبيل ..

معلومات عن المحل :

اسمه : فوندل يور كار fondle your car
مساحته : 9 متر * 5 متر
محتوياته : جميع لوازم السيارات واكسسواراتها ( شاشات , انوار, تخشيبات ,تلبيسات .... الخ (انا ما افهم في اسمائها صراحه بس اللي عرفته انو يضم جميع انواع اكسسوارات السيارات داخلها وخارجها )
دخل المحل : ممتاز
اجار المحل : 1000 ريال كل شهر
مكان المحل : القنفذة - الخالدية - مجمع البلاد
ميزة المحل : هو المحل الوحيد الموجود في هذيك المنطقة لذلك اعتماد اهل المنطقه هذيك كلها عليه
السعر المطلوب : 50 ألف ريال سعودي


هذا اول عرض عندي ويا جماعة الخير خلوني اخبركم ..
اللي عرفته ان صاحب المحل مبسووووط من محله ومن الدخل لكن السبب في عرضه للتقبيل ازمه مادية ..
عشان كذا هو مضطر يقبله ..
لكـــــــــــــ ـــــن .. سألتكم بالله يا جماعة الخير .. نحنا هنا بنساعد مافي داعي نخرب ع الادمي ونروح ننشر انو محتاج الفلوس عشان في خلق اذا عرفت انو الادمي محتاج قعدت تذل فيه وتكاسر في السعر ونحنا ما قصدنا نضره يعلم الله .. نحنا فقط بنسااااااااعد ونوصل صوته للي ما قدر يوصل لهم ..
معلومة / انا ما نشرت هذي المعلومة الا عشان تعرفون اني ما كذبت في معلومات المحل .. ويعلم الله اني حطيت كل اللي اعرفه عن المحل بصدق واخلاص .. لكن كان لازم احط سبب لتقبيل المحل وهو هذا السبب والعلم عند ربي ..


.. هذي الفكره جديه .. وهذا اول عرض فيها اتمنى نتساعد لنساعد ..


ملاحظة :
يا جماعة الخير يعلم الله عز وجل ان ما لي نسبه من البيعه
ويعلم الله عز وجل اني لست شريكة في المحل ولا حتى صاحبة المحل
ويعلم الله عز وجل اني ما حطيت الموضوع الا لنساعد الخلق فقططططط
صاحب المحل اسمه أبو أحمد وجواله ممكن اديكم ع الخاص عشان لا اكون خالفت القوانين .


أخيرا /
عسى ان نكون سبب و نفرج عن هذا الادمي كربة من كرب الدنيا يفرج الله بها عنا كربه من كرب يوم القيامة
أنا بانتظار اول يد تنرفع في هذا المنتدى عشان نساعد المخلوق ..
ورح ارسل لها رقم جواله ع الخاص عشان والله العظيم انا في نهاية الشهر التاسع واحتمال ولادتي تكون في اي وقت فما ابغى ولادتي تعطل الموضوع
دعواتكم لي بولادة سهله ميسرة


دمتم في حفظ الرحمن ورعايته


في صفحة 2
العرض 2 (عمارة في جدة 21 شقه جديدة للبيع ) __العرض 3 ( طلب مشغل نسائي بالقصيم )__العرض 4 ( محل مكياج عطور اكسسوارات شنط ... بالرياض للتقبيل )


الله يوفقك ويجزاك خير
يـارب
أنت عالم وقادر
اللهم إني أسألك صـبراً لا نسـيان فيه
اللهم إن كان لي عـوض عـلى صـبري
فاجعل اللهم عـوضي فيه


كل من تقع عينها على توقيعي تدعي لي بالذريه الصالحه
في هذه الايام الفضيله فقدت 3 واسأل الله العوض بالحمل التام
جزاك الله خير والله يكثر من امثاك
ربي أغفرلى مالا يعلمون وجعلني خيرا مما يظنون وجعل حياتي كلها نور وقبرنور والجنه مستقري وكل من قال أمين
وانا عندي المشروع الثاني
عماره للبيع في جده مكونه من 21 شقه جديده
7 ادوار
مطلوب فيها 6200000 ريال
اذ اجرت مدخولها باالسنه 630 الف ريال
قابل للتفاوض
هدهد الله لايحرمك من أجر أي مساعدة تسير بالموضوع هذا

فكرة جميلة جدا وشعارها أجمل وأجمل

ياليت يثبت الموضوع ويكون مرجع ودليل للكل

والله يرزق صاحب المحل ويفك أزمته ويعوضه بإذن الله أحسن منه


...








التمره العجيبه لجميع لمشاكل النساء والمساعدة على الحمل بإذن الله

.


.



.


الساعة الآن 12:31 .