اولا السلام عليكم ورحمة الله وبركاتة

كل سنة وكل المسلمين بخير وسلام فى كل انحاء العالم

بصى يا ستى انا عن نفسى بجهز فراخ بانية بالبيض والبقسماط واحطها فى الفريزر وكمان ملوخية خضرة متخرطة ولوبيا ناشفة بسلوقها

واحطها واعمل صلصات مثلا للمكرونة وللمحاشى و للخضار وكمان خضرة المحشى وسمبوسة طبعا بانواعها وكمان الفراخ للشوى

بغسلها واتبلها كويس واقطعها واوزعها فى اكياس وكمان الفول والطعمية

بس على فكرة الموضوع دة هيسهل عليكى جدا ان شاء الله فى رمضان ويكون عندك وقت كويس تصلى براحتك وتكونى نشيطة

هو وقت التجهيز طبعا بتتعبى شوية علشان الولاد والبيت وطلبتهم لكن اهم شئ تكون نيتك ابتغاء مرضة الله وانك تفرحى افراد عائلتك

وتصومى وتصلى تهجد وقيام ليل زيهم بالظبط

وربنا يتقبل منا ومنكم ان شاء الله واتمنى اكون افدتك

وبصراحة الاخوات كفو ووفو فى موضوعات سابقة جزاهم الله كل خير وربنا يجمعنا على الخير دايما امييييييين
اللهم يسر لنا امورنا واهدى لنا جميع خلقك واهدى لى زوجى واولادى واجعلهم من الصالحين

لا اله الا انت سبحانك انى كنت من الظالمين

نونة77
رفع
بوركتم اخوتى
ممكن تفرزنى محشى ورق عنب او كرنب ملفوف بس من غير ما تطبخية
وبطاطس نصف تحمير
وكل الخضار يتنظيف ويتجهز على التفريز
كمان التسبيكة تعمليها وفى برطمنات او اكياس وعلى الفريزر
ممكن البيتزا كمان
سمبوسك طبعا
قطايف محشية
الكفتة تعمليها وتجهزيها وتطلع على التحمير
الفراخ البانية والفراخ المشوية

والفاكهة طبعا ممكن تتخزن
وممكن طماطم صلصة

انا بافرز كل حاجة فى الدنيا طول السنة توفير للوقت واى سؤال تحت امرك

ايمان


الساعة الآن 02:24 .