حبيبتي انا يوم الله رزقني الوظيفة حاربوني كل اللي حولي اولهم زوجي بتحريض اهله صراحة مرت علي ايام صعبة اكتشفت فيها العدو ويا كثرهم كنت مخدوعةفيهم صبرت واجهت حقدهم وغيرتهم عشان اطفالي فاحالتي المادية سيائة جدا قبل الوظيفة ..والحمد لله كل شئ يبونه اطفالي البيه لهم ركزت تفكيري وحياتي عشانهم لانهم هم عزوتي ماراح احد ينفعني غيرهم ادا الله اصلحهم ...حبيبتي لاتضيعين الفرصة بكرة تندمين وحطي بالك انك راح تتعرضين لصعوبات ماهي سهلة تبيلها قوة وصبر يمكن تطول المدة يمكن تكثر المشاكل بس صدقيني الوظيفة سلاح للمستقبل ماتدرين عن هادنيا مصاعبها وخبياها (للمعلومة انا الي الان ماعندي شغالة ولي بنتين وولد وظيفتي في قرية لكن سبحان الله الله سهلي امور اطفالي رزقني الله بجيران احط ولدي عندهم وبناتي يدرسون بنفس المدرسة اللي ادرس فيه )وكلي امرك لله وصبري والله يسهلك كل صعب

اسمعي خلي زوجك يفصل وروحي معه اذا راتبه اقل من راتبك... فرصه

لاتتركين الوظيفه خليه سلاح لك ولعيالك من ضيم الناس

مبروك على الوظيفه جعلها باب فرج عليك لايهمك احد وروحي وطابقي اوراقك الى متى وحنا مستقبلنا يحدده الناس صدقيني لو هم وحصلت لهم الفرصه ماراح يشاورون احد صيري قويه والله معك وياااااااارب يفرج عليك اليوم قبل بكره

السلام عليكم ..أولا ابارك لك التعيين وأسأل الله أن يكتب لك مافيه الخير ..بالنسبة لإجازة رعاية المولود مااعتقد تاخذينها لأن عيالك كبار ماشاء الله واذكر النظام حده يكون عند الطفل سبع سنوات وسمعت بعد انهم قللوا العمر عن اول وعموما الإجازات مارح تاخذينها
بسهوله لأنك متعينه جديد يمكن بعد سنه وبإمكانك تبحثين عن نظام الاجازات للمعلمات وكل التعاميم الجديدة عن طريق قوقل اول تكلمين التوجيه التربوي وتاكدين من كلامي انا اقول من واقع خبرتي..ادعو الله ان يسخر لك زوجك ودايما ادعي الله ان يكتب الي فيه
الخير وترى الوظيفة التعليمية الحكومية مكسب وراتبه يبي يفرج هموم كثيرة بعد الله تعالى اسألي مجرب..