اخواتي انجدوني انا وزوجي والقرض

السلام عليكم حبيباتي
اخواتي ما ابي اكثر عليكم بسسس انا محتاجة مشورتكم
انتم اخواتي اللي اقدر افتح لكم قلبي واقول لكم مشكلتي مع هالراتب اللي بلشت فيه صرت اتمنى اني مو موظفة عشان ارتاح!
خواتي انا في ايام ما كانت الاسهم السعودية مزدهرة وصارت العالم سالفته الاسهم والسهم الفلاني والعلانيِِِِِِِ ِِ

المهم اخدت قرض مع اني والله ما احب المتاجرة بالاسهم ومحرمة فلوسهن بسسس اخدت قرض بعد اقناع:arb:
وبعد فترة شهر تقريبا خفت وبدا ضميري يأنبني وقبل تخسر الاسهم وتطيح هديك الطيحة قلت لزوجي وبعد ما بدا يشتغل بالقرض وربح من وراه ارباح موبطالة قلت له خلالالالالالاص انا ما ابي الاسهم هدي ولا ابي القرض وش رايك تأخده وتسدده عني وانت الله يهنيك به وبالمتاجرة بالاسهم قالي خلاص موافق وفعلا بدأيسددني كل شهر وكان كل شهر البنك يخصم من راتبي 2000ريال وهو يعطيني اياهم وقعدنا اكمن شهر وخفست الاسهم وطاحت وصارت ماتسوى وووووو
المهم ماشي الحبيب معي بالتسديد وبعد فترة بدأيماطل ولا يسددني واحيانا يطلع كبدي ومرارتي ما جابه لي الا لما اقول تكفى ابيه محتاجته خاصة ان عندي اخواني اساعدهم وامي وقسط ثاني وشغالة ومصاريف مدرسة
وهدا انا على هالحال والشهر اللي فات قالي اسمحي لي هالشهر ما اقدر اعطيكي القسط المشكلة يا بنات القرض باقي له 9سنوات عشان يخلص و انا ابقعد كل شهر اشحده حلالي شحادة!
اللحين هو اموره زينه وماعليه التزامات وراتبه عالي تقريبا ضعف راتبي لانه يشتغل بشركة وغير الانتدابات ودبل الرواتب اللي تجيهم ما شاء الله عليهم
اللي ابيه منكم اخواتي وشلون اقدر اخد منه اقساطي والله حاولت معه وكل شهر يماطل لما تطلع عيوني ويقول مالك الا اللي يعطيك اياهم
انا ابي فكرة ولو بالحيلة اقدر اخد منه فلوسي ومرة قلت له لما جاه مبلغ وش رأيك نسدد القرض مرة وحدة من الفلوس اللي جاتك منه يخصموا عليك ويخفضوا لك ومنه يتحرر راتبي وارتاح قالي لا كدا احسن وقروشك ماني ما كلهم!
خواتي تكفون اللي عندها فكرة تقولي عشان احرر راتبي وارتاح منه وخاصة اني ودي اخد قرض جديد اسوي لي انا مشروع لان لي 15سنة موظفة ولا عندي ما احك به سني والحبيب رافض كل المشاريع ورافض اشتري ارض ورافض اني اسوي براتبي شيء ويقول اصرفي منه واستانسي وانتي منتي معمره بالدنيا!
ارجوكم انصحوووووني ابي مساعدتكم الله يخلي لكم من تعزون