الملوخيه الناشفه كيف طريقته ياطباخات

مكاوية والعزليه :

وعليكم السلام ::انا اسوي الملوخية الناشفة بطريقة امي الله يحفظها ويخليها وهي كالاتي::: تكشني بصل لحد مايذبل بعدين تحطي الدجاج المقطع وتحطي ابزار مشكل وملح وتقلبي الدجاج شوية بعدين تحطي طماطم معصورة وصلصة طماطم وتقلبي شوية بعدين تحطي شوية موية اللي تسوي الدجاج وتخليه يستوي الدجاج ...بعدين نجي للملوخية تحطيها في زبدية او صحن كبير او اي شي وتفركيها بيدك لحدماتنعم وتحطي شوية زيت على الملوخية وتفركي (هادي الحركة نسميها نبس الملوخية بالزيت) بعدين تضيفي الملوخية على قدر الدجاج وتقلبي وتخليها شوية على النار يعني تغلي شوية بعدين اطفي النار اذا تحبي تسوي لها كشنة ثوم زي الملوخية الخضراء على كيفك وبس......معليش طولت عليكي بس الطريقة هادي روعة وانا ما اسوي غيرها جربي وشوفي ...وبالعافية مقدماااا وشكرا..

وعليكم السلام ::انا اسوي الملوخية الناشفة بطريقة امي الله يحفظها ويخليها وهي كالاتي::: تكشني بصل...