إذا تبغين شي باااارد وحلو ..
عندي حلاوة ترايفل الكيك والكراميل ..
إذا أسويها عادة الرجال هم إلي تعجبهم أكثر من الحريم ..
مع إنها مألوفة وسهلة لكنها مرة لذيذة ..

المقادير ..
1 كيك سرالي البني بالشوكولاتة ..
2 علبة قشطة ..
1ظرف دريم ويب ..
1 ظرف كريم كراميل ..
2 ملعقة طعام ناتولا ..
2 شوكولاتة فليك ..

تاخذي قالت التقديم .. وتقطعين الكيكة بالنصف ..
تقطعين النصف الأول على شكل شرايح وتحطينه بقاع القالب ..
في خفاق الكيك .. تخفقين 1 ظرف دريم ويب + 1 ظرف كريم كراميل + 1 علبة قشطة ..
تخفقين لحد ما يتضاعف حجمها وتصير لك كريمة .. وتصبيها في القالب ..
وبعدها تقطعين النصف الثاني من الكيكة .. بنفس الطريقة .. وتحطينه على الكريمة إلي صبيتيها في القالب ..
تصفينه فوق الكريمة ..
وبعدها في الخفاق نفسه .. تخفقين 1 علبة قشطة + 2 ملعقة طعام ناتولا ..
وتحطينها في القالب على الكيك ..
وتزينينها بالفليك .. وخليك سخية بالفليك ..
بعدها تغلفينها بنايلون الشفاف جيدا .. لا يدخلها أي هواء ..
وتحطينها بالفريزر لمدة 3 ساعات .. وتطلعينها قبل التقديم بعشر دقايق ..
بتصير لك روعة وتمام ولذيذة ..

..دانة الدنيا..
22-08-1430 هـ, 10:11 مساءً
 
الله يجزاك خير دانة
شغل سنع الله يبارك فييييك
22-08-1430 هـ, 10:57 مساءً
 
صلحي بوفيه حلويات وعصائر

وهاتي من ابو ريالين او من ابو عشره حركات للبوفيه (مدري كيف اشرح لك ) يعني احجار ملونه وشموع ملونه

ضبطي الاكواب بشرايط او نجف صغير

صلحي تورته واكتبي عليها مبروك ياعريس او احلى عريس

أممممممممممم صلحي هديه صغيره ولفيها بشكل جميل وحطيها عالسفره

ممكن تشترين سلال غريبه لتقديم المعجنات او صياني كشخه للحلا

أممممممممممممممممممممم والله ودي اخدمك بس ساعه الجد مخي يقفل وانسى
22-08-1430 هـ, 11:02 مساءً
 
انا برايي انك تجيبي كيكه منبرى والباقي عليكي اقصد حلى القهوه والمالح..

واذاعلى الوصفات ماشاء الله المنتدى فيه وصفات ولا احلى وقمه في الروعه اللي عليكي شوفي الحلى والمعجنات اللي تعجبك واختاريها وطبقيها في البيت وطبعا زي ماقالوا الاخوات اهم شيطريقة التقديم وبيتك غيري فيه شوي وهيئي جو احتفال..وبس ان شاء الله اكون افدتك..



تقبلي مروري

ودي و ورودي
22-08-1430 هـ, 11:46 مساءً
 
المالح أنصحك بسمبوسة اللحم ..
(وصفة منال العالم) .. مرررة روعة ..

أنا شغلتي أدور شي يعجب زوجي وأخواني ..
فصرت مؤمنة .. إن بعض الطبخات تعجب الحريم ..
وبعض الطبخات تعجب الرجال ..
وصرت متخصصة في الطبخات إلي تعجب الرجال ..
الحريم ما منهم فايدة .. لوووول << مصاااالح ..

مثل ما قلت لك طبخة ترايفل كيك وكراميل على سهولتها تعجبهم موت ..
أما طريقة سمبوسة اللحم ..
تاخذي نصف كيلو لحم مفروم .. وتحمسين بصل مع نصف قالب زبدة ..
وبعد ما يصير البصل لونه ذهبي فاتح تحطي اللحم وتقلبينه .. لما يبدأ ينضج وباقي له بس شوي على النضوج ..
تحطين فوقه 1 ملعقة متوسطة بهارات مشكلة
+ 1 ونصف ملعقة متوسطة بزار لحم + ملح + فلفل أسود شوي ..
وتواصلين في التقليب ..
وبعدها تجيبين فلفل أخضر بارد (الفلفل الكبير) .. وتقطعينها مكعبات صغيرة ..
وتحطينها على اللحم وتفرينها مع اللحم فرة وحدة بس وفورا تغلقين النار ..
لأن لو حمستي الفلفلة مع اللحم بروح طعمها .. حطيها على اللحم وفورا اغلقي النار ..

مررررة سهلة ..
وبعدها غلفيها في عجينة السمبوسة واقليها ..
أو اخذيها لبياع السمبوسة هو يلفها لك وجيبيها البيت اقليها ..

وباقي الأشياء جيبيها من برة ..
ترى في أماكن تبيع أشياء كأنها شغل بيت ..

بس للأسف أنا مش سعودية .. كان ساعدتك يا قمر ..

..دانة الدنيا..
23-08-1430 هـ, 12:34 مساءً
 


الساعة الآن 03:21 .