بسم الله الرحمن الرحيم
امس تبلغت احلى خبر والله من كل قلب فرحت لاختي اللي طلعت حامل بالامس بعد تاخر سنتين ولله الحمد .
اختي اصغر مني بسنه وتزوجت بعدي بسنه انا لي 3 سنوات وهي لها سنتين وربي اكرمها بالامس عقبال ماربي يكرمني عاجلا غير اجل.
وحتتفاجأو من القصة الخصها بالتالي:
اختي بعد فترة من زواجها سوت تحاليل وفحوصات لها ولزوجها ومن خلال الاشعة قالت لها الدكتورة انها مو شايفة تبويض عند اختي وهذا الشيء سبب انهيار لها ولكن كانت هناك ايضا مشكله ثانيه وهي ان زوجها عنده سيوله وضعف في الحركة وطلبت منه انه يروح لاستشاري مسالك بولية طبعا الكلام هذا له فترة واختي وزوجها انشغلوا بكذا شغله ورجعت من جديد الشهر اللي فات لنفس الدكتورة لانها طلبت منها تحليل هرمون البروجسترون وطلعت النتيجه 1 وهذه النسبه تدل على انعدام التبويض فعلا وانهارت اختي من جديد وطلبت منها الدكتورة انها تشرب الكلوميد الشهر الجاي
طبعا وقتها انا نصحت اختي وقلت لها لاتخافي والله كريم وكان عندي بردقوش شريته بناء على نصيحة ام زوج اختي قبل سنه وللاسف شريته وحطيته في الدولاب(لانه كانت عندي قناعه بان تبويضي جيد) ووقت ماشفت اختي منهارة قلت لها تعالي خذي البردقوش وجربيه لعل الله يرزقك وفعلا اخذته واستمرت عليه 15 يوم وتفاجأت في نفس الشهر بان الدورة تاخرت عليها وامس سوت التحليل وطلعت حامل ولله الحمد
سبحان الله الله يتتم لها على خير قصة اختي هذه لسه طازة بالامس وفيها عبر:
1:انه حالتي كانت افضل من حالة اختي لان تبويضي جيد وفي فترة كان عندي تحليل هرمون البروجسترون 4.5 (اي ضعيف) ولكن كانت حالة اختي اسوا مني بالاضافه الى ان كلا ازوجنا يعانون من ضعف الحركة ولكن ربي كريم يهب لمن يشاء
2: اختي مااستخدمت اي شيء غير البردقوش وقد يكون له الفضل من بعد الله في حملها
3:القصة هذه اعطتني امل وقد تعطي غيري ممن ياعنوا ازواجهم من ضعف الحركة فالمسالة ليست صعبه بل مسألة وقت وارادة ومشيئة الله
اتمنى لكم اخواتي ان تفيدكم قصة اختي واتمنى منكم الدعاء لها بان يتمم الله حملها ويكمل عليها فرحتها والدعاء لي بان الله لايحرمني ويرزقني الذرية الصالحة المعافاة عاجلا غير اجلا
يلزم عليك تسجيل الدخول أولًا لكتابة تعليق.
الصفحة الأخيرة
الله كريم يا اختي وباذن الله رح يرزقني ويرزقك ويرزق كل البنات على بدايه الشهر الكريم يارب انا متزوجه من 7 سنوات واربع اشهر دعواتك لي والله ارحم من عباده