هايبر بندة مسوين عروض خطيرة
22-08-1430 هـ, 05:35 مساءً
 
500 لك ولزوجك بس تكفي وبالراحه مررررررررررررررره
22-08-1430 هـ, 05:36 مساءً
 
500

تكفي وتزود بعد

بعدين انا ماأفضل تجميع الأكل

أنا اهم شي العصير والدقيق

والشوربه ماشاء الله علبتين تكفي لاخر رمضان

اللهم بلغنا رمضان بصحه وعافيه واعنا على طاعتك يارب
22-08-1430 هـ, 05:44 مساءً
 
هي ان شاء الله تكفي..انا امس رحت جبت اغراض رمضان باستثناء اللحم..وكلفتني 700 ريال ..بس ترى احنا عيلة من 5 افراد..يعني انتو 2 اكيد بتوفي معكم..
انا باقولك وش اخذت ..اخذت كيسين دقيق المطاحن..لاننا مو راعين معجنات كثير..
اخذت خليط اللقيمات..10 حبات ..واحنا نقسم الكرتون يكفينا ليومين.او 3 ابام...وباقي الايام نعمل اما جبنية او خلية نحل..ونكتفي بهذا كحلى مع القهوة ما نعمل غيرة..
اخذت كرتون صغير جيلي..وعلبة كسترد..و10 حبات كريم كراميل..طبعا هالحلويات مو يومين يمكن كل 3 ايام اعمل مره منها..وممكن تكفي لبعد رمضان.
اخذت علبة واحدة شوربة كويكر..تكفينا غالبا الشهر كله..وعلبة تانج برتقال الكبيرة المعدن..لان عيالي يستهلكونه..
والفيمتو اخذنا كرتون..زوجي مايعرف يفطر ولا يتسحر بدونه..عشان كذا استغربت اللي يقولون علبتين تكفي..انا العلبة يادوب تكفينا 3 ايام..مع اني ما اشرب منه الا نادر..بس زوجي ما يبي احد يناقشة في الفيمتو..اهم شئ عنده برمضان..
اممممم..وش غيره..طبعا جبت كيس سكر وكيس رز ابو 10 كيلو..
وشوية نواشف للسحور"زيتون وعسل وقشطة وفول..وتونة..وحلاوة...الخ"
واخذت جبن سايل برطمان كبير للسمبوسة..وجبن كيري ومثلث لل بف باستري..
واخذت لي بف باستري واحدة للتغيرر عن اللقيمات والسمبوسة..
واخذت 5 كيس مكرونة اسباجيتي..و5 خواتم..وعبوة معجون طماطم..وماجي..
عموما يالغالية فطورنا مافيه كلفه..غالبا قهوة وتانج وفيمتو..مع تمر ونوع حلا"اما لقيمات او جبنية او بف باستري"
وبعد الصلاة شوربة كويكر..وسلطة..او مكرونة..مع السمبوسة نوعين لحم وجبن..والحمد لله
العشاء اما بواقي الفطور او نواشف وخبز..
22-08-1430 هـ, 05:54 مساءً
 
نصيحه لاتكثرين اغراض لان الناس كل شي يطري على بالهم يسوونه اول رمضان واذا جا النص من رمضان خلاص ماعاد لهم نفس يسوون الاكل و تلقين اكلهم عادي وخفيف مجرد حبتين سمبوسه وشوربه ويوم ثاني فطاير وهذا اهم شي يعني انتي حاولي تنوعين كل يوم شكل لاتصلحين كل شي بيوم واحد .علشان تكفيك الاغراض

والبنات ماقصروا علموك بكل شي
22-08-1430 هـ, 05:55 مساءً
 


الساعة الآن 08:38 .