Analysis Services
السلام عليكم يابنات
انا متعلمه واشجع المواهب الشابه والخبيره الماهره في عملها واطرح عليكم فكره وانا جاده في استعدادي للتعاون معكم
انا توني اشتريت مشغل وابغاه يكون مركز نسائي وابوسعه اذا توفقنا ان شاء الله ، انا اعرض مشغلي كمقر لكل وحده تشوف انها تتقن عمل معين (مثال تجهيز الحفلات تداوم عندي البنت وتسوي دعايه لها وتحط عنوان المشغل وانا لي نسبه نتفق عليها فيما بعد ومايهمني كم النسبه بقدر مايهمني ان البنت تنجح في عملها ولاتدفع ايجار ولا دوام رسمي، وايضا اللي تبي تصمم فساتين وتاخذ كافة المعلومات من الزباين وانا اعرف خياطين برى يقومون بالمهمه واذا تبغى تخيط فخيروبركه ، وايضا اللي تهوى المكياج والتسريحات تجي وتلقى الترحيب ) يعني انا هدفي الاول منفعة الغير موظفات وايضا السعوده .
والله على ماقول شهيد اني ابغى انفع ذالبنيات واوفر لهم الفرصه المناسبه حسب استطاعتي
واللي جااااااااده تراسلني عالخاص ورجاءا اللي ترسل للفضول لاتضيع وقتي ووقتها
والله يوفق الجميع .
24-08-1430 هـ, 04:36 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بنات نسيت اقول لكم اللي تبغى تاخذ ركن الكفي تشغله ونتفاهم على الطريقه فيما بعد
وبعد اي فكره غير اللي طرحت في حدود الجائز شرعا نرحب بالتعاون
24-08-1430 هـ, 04:41 صباحاً
 
اللهم ارزقني الرزق الحلال
24-08-1430 هـ, 04:44 صباحاً
 
بالتوفيق يالغاليه
24-08-1430 هـ, 05:24 صباحاً
 
بناااااات انا من الرياض والمشغل في شمال الرياض علشان جتني رسايل كثيره عالخاص من خارج الرياض
ولتوفير الوقت ابلغكم اني في الرياااااااااض الحبيبه
24-08-1430 هـ, 05:46 صباحاً
 


الساعة الآن 02:17 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏