السلام عليكم
كيفكم بناتتتتتت

رحبووووووا فيني هذي اول مرة ادخل هذا القسم واشارك

فلا تردوووو طلبي

ابي طريقة مكرونة البيتزا باللحم المفروم

ولكم مني جزيل الشكر

(بصراحة نفسي اجربها قبل ما اوووووووووولد)

اختكم
بنت الشررررقية

وعليكم السلام ورحمة الله وبركاته

أختي بنت الشرقية

رح أقولك على طريقتي بمكرونة البيتزا وان شاء الله تعجبك

المقادير
مكرونة سباجيتي .. صلصة طماطم .. لحم مفروم ..

جبنة تشيدرمبشور .. جبنة موزاريلا .. جبنة كرافت السائلة(كاسات)

طماطم .. فلفل رومي أخضر وأصفر وأحمر وممكن تكتفي بالأخضر حسب رغبتك ..

ذرة .. زيتون.. كاتشاب.. ملح..فلفل أسود..

الطريقة:
أول شي تسلقي المكرونة وتخليها ع جنب..

بعدين تكوني مقطعة الفلفل الرومي بأنواعه والطماطم لقطع صغيرة..

وتجيبي مقلاة وتحطي فيها شوية زيت ..

بعد كدا تحطي المفروم في المقلاة على النار وتحطي معاه الصلصة وتقلبي شوية

لما تختلط الصلصة باللحم المفروم اضيفي لهم الفلفلل الرومي والطماطم والذرة

وفوقهم جبنة الشيدر ..ولاتنسي الملح والفلفل الأسود بالمقدار اللي ترغبيه..

وقلبيهم على النار الين تسيح الجبنة وتتماسك مع الخليط

بعدها جيبي المكرونة اللي سلقتيها قبل وحطيها بصينية مدهونة بشوية زبدة عشان ماتلصق

بس..

وأخلطي مع المكرونة الجبنة السائلة .. بعدها أخلطي كاتشاب مع شوية صلصة

وادهنيها فوق المكرونة .. وبعدها جيبي الخليط اللي على النار اللي هو المفروم واللي معاه

وحطيهم فوق المكرونة بعد مادهنتيها بالكتشب والصلصة..

وفوقهم كلهم جبنة الموزاريلا ..وزينيها بالطماطم والزيتون

وبالهنا والشفا..

يمكن الشرح طويل .. لكن ماتاخد معاك وقت طويل لعملها

والله يقومك بالسلامة عزيزتي
انا طريقتي تختلف شوي ,,
المقادير:
معكرونة قودي قواقع
فلفل اخضر واحمر وبرتقالي
مشروم طازج (( تقطعينه حلقات ))
زيتون اسود شرائح
ملعقه كبيره مايونيز
ملعقه كبيره جبن سائل بوك
دجاج او لحم مفروم على حسب الرغبه
صلصة البيتزا (( انا استخدم حق العلالي ))

الطريقة:
تسلقين المكرونه مع زيت وملح بعدين تصفينه من الماء وتخلطينه مع ملعقة جبن ومايونيز بعدين تفرشينه بصينيه بايروكس بعدين تسوين الحشوة طبعا اول شي تحمسين بصل وثوم وتطبخين الدجاج لما ينضج وحطي معه مكعب ماجي وفلفل اسود وانا احط شوي من بهارات توابل برياني واذا نضج اخلط معه الصلصه وافرشه فوق المكرونه وبعدين احط فوقه الفلفل وبعدين الزيتون وبعدين المشروم وبعدين اجيب كيس جبن موزاريلا صغير مبشور وارشه كله فووقه
بعدين ادخله الفرن من تحت شوي لما يذوب الجبن وبعدين افتح اللي فووق واخليه لما يتحمر وامممممممممم لذييذ

جربيه وان شالله راح يعجبك والله يقومك بالسلامه حبيبتي


الساعة الآن 03:54 .