أخباركم يا حلوات
صباح النور والسرور والخبز اللي بالتنور يالله تذكرت أمي فديتها دايما هاذي كلمتها
والشهر عليكم مبارك الله يبلغنا وإياكم على خير
طبعا هذا يمكن ثاني موضوع اكتبه في هالقسم ومتابعة لكم دايما مع إن ردودي قليلة <<<وش تقصدين يعني ما نرد عليك
وجبت لكم عصير الجرجير وما أدراكم مالجرجير أساسا اللي ذكرني فيه صارت تجيني دوخة فضيعة ويغمى علي أحيانا فجأة وأتوقع السبب سوء تغذية لأني ما آكل إلا وجبة واحدة لا لا تفهمون غلط ما أسوي رجيم بس فقدت شهية الأكل وكان عندي اليومين شغل وسفرات الله المستعان بس
فقلت مابدهاش يابنت دوري على شي يعوضك ويكون خفيف فطلع لي الجرجير هيك من بين الأفكار وحبيت اعرضها عليكم وان شاء الله يعجبكم
أولا نجي للمقادير
(( أضفت لكم صورة المقادير ))


ربع حزمة جرجير وأحيانا اقل شوي علشان ما يطلع الطعم مر ـ لتر حليب اللي يعجبك منهن المراعي أو السعودية ما تفرق = = قاعدة تسوي دعاية الأخت
مكسرات مطحونة طحن ناعم فستق لوز اللي تبينه ـ نصف أو علبة كاملة قشطه قيمر حسب اختيارك ـ عسلـ ربع ملعقة صغيرة فانيليا
وبالنسبةللطريقة يا طويلات العمر والسلامة تاخذين ورق الجرجير بس بدون ساق يعني الله لا يهينك شيلي الورق من الساق
وتغسلينها زين ما زين وتحطينها بالخلاط ثم تصبين الحليب وتخلينها تخلط اللين تحسين إنها تجانست تماما بعدين تضيفين الكريمة والفانيليا واخلطيها مرة ثانية ثم ضيفي المكسرات والعسل ويمكن تستغنين عنه بالسكر
وهاذي النتيجة

وهنا من قريب


وبالهنا والعافية
24-08-1430 هـ, 08:51 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماشاء الله شكله تحفه
ان شاء الله اجربه
24-08-1430 هـ, 08:59 صباحاً
 
24-08-1430 هـ, 09:05 صباحاً
 
غري والله
طيب ما قلتي كيف الطعم ؟؟
ولو احط معه شووي نعنااع يكسر من حدة الجرير ؟؟

موفقة يااقمر
24-08-1430 هـ, 09:31 صباحاً
 
مشكوره حبيبتي ..الجرجير مفيد كثير

بس كيف طعمه؟
24-08-1430 هـ, 09:31 صباحاً
 


الساعة الآن 09:11 .