السلام عليكم
كيف حالكم حبيباتي
هذي اول مشاركة لي
ودي لو تساعدوني بطريقة لموالح او معجنات تقدم مع الشاي بعزم صديقاتي
بس تكون بنفس الوقت عملية وسهلة بحيث ما تتعبني ولا تاخذ مني وقت
لاني اتعب كثير واحيان اقعد مواصلة ل10الصبح
مع اني منظمة واحاول اجهز كل شئ من الليل بس مدري كيف الوقت ياخذني
الحلى سويته من الحين وفرزنته ونفس الشئ ورق عنب واحتمال الف سمبوسة
باقي المعجنات اخاف افرزنها وما تطلع فرش
ودايم استخدم عجينه العشر داقيق وناجحه معي بس المشكلة بالتقطيع والحشو خصوصا دوائر البيتزا تهلكنيييييي

استناكم لا تطنشوني
24-08-1430 هـ, 01:06 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اب يا حلوات
على الاقل لو تعطوني لنكات
24-08-1430 هـ, 02:14 مساءً
 
اهلين حبيبتي عندك البف بستري عندي هذي تفك الزتقه من قلب سوي منها مربعات صغار وادهنيها بالبيض ورشي علها زعتر والا سماق والا جبن برميزان او اشتري الكبيره وقطعيها طوال شرايح والفيها برم وادهنيها بالبيض ورشي عليها شو ملح ودخيلها الفرن تطلع روعه وجهزي لك معاها صوص بيتزا وقديمها معه لذيذه تطلع
او نفسها بس اعجنيها خفيف مع زيتون اسود مفروم او بقدونس او اوريقانو وافرديها وقطعيها مربعات وبالفرن تطلع حلوه وغريبه ولذيذه وتقدرين تفردينها شوي وترشينها بزيت زيتون مع زعتر وتلفيينها زيي السوسرو او السينبون وتدخلينها الفرن وبعدين تقطعينها او تقطعينها قبل لا تدخلينها الفرن مره لذيذه وبالعافيه
بس ادعي لي ان الله يرزقني الرزق الحلال والاطفال الصالحين ويوفقني في اللي اتمناه ويهديني ويرزقني شوفه ابوي وعيالي في الجنه بس طلباتي واجد بس تراه سهل مره مره مره
24-08-1430 هـ, 03:02 مساءً
 
سوي ميني بيتزا احنا يالحريم نموت عليها
معجنات بعجينه وحده وحشوات مختلفه منها تونه ودجاج وجبنه ونقانق
24-08-1430 هـ, 03:59 مساءً
 
يسعد صباح الغاليات
r0or0o
هلا حبيبتي
الله يعطيك العافية على ردك
بالنسبة للبف تراني عليمية
مرة جبتها وما عرفت لها
طلعت مدبقة مدي شلون
انتي تطلعينها فيل بيوم علشان تذوب على راحتها؟
وهل تفردينها وتقطعينها ؟ وشلون اعجنا مع موية وكم المقادير؟
عطيني طريقتها بالتفصيل الممل من اول ما تفكينها من قراطيسها
اسأل الله العظيم رب العرش الكريم ان يرزقك الرزق الحلال والاطفال الصالحين
وينولك اللي ببالك ويهديك ويرحم الوالدة ويجمعك فيه بالجنة
صاحبة السمو333
هلا عمري
انا بعد اموت بميني البيتز بس مطبخي وفرني صغير وتحوسني حووووووووووسة وتهلكني وتاخذ وقت
تسلمين على مرورك
ياليت لو عندك طريقة اسهل
وش رايكم يا ينات بكراكر بسكوت مالح وعليه زيتون شرايح وجبن مبشور؟ يليت لو عندكم افكار لحشوات ثانية
28-08-1430 هـ, 11:53 صباحاً
 


الساعة الآن 04:45 .