مو بس بنده..

حتى أسواق المزرعة..أحياناً يغشون عيني عينك..

يعني السعر مكتوب على الغرض بـ 5 ريال مثلاُ..يحسبونه 7 ريال..


مرة رحت تهاوشت معاهم..على كل شي ريال وريالين..طلع الحساب زيادة 50 ريال..


وجمعت الأغراض اللي أخذتهم..وبالفاتورة..وهواش معاهم لحد ما رجعوا لي الـ50 ريال..


أنا أفضل البقالات الكبيرة..واللي أصحابها من أهل البلد..

أو إنك كل غرض تاخذينه..تحسبين سعره..وهاللحين الكل عنده جوال..طلعيه وأحسبي..

ولازم تنتبهين للسعر اللي ينحسب عليك..ولا تستهينون حتى بريال..لأنهم ياخذون على هالسالفة..

ولو كل زبون أخذوا منه ريال..وفرضاً جاهم 100 زبون باليوم..هذي 100 ريال بجيبهم..


وأكيد أكثر بيجوهم..

والحمد لله عمري ما أخذت من بنده..مدري ليه مادخل قلبي..

واللحوم ناخذها من لحام من البلد..وعنده مزرعة دواجن ومواشي..ونتعامل معاه من أكثر من 15 سنة..



في أمان الله..

إلهّي..
بتُ أشمئز سَخآفة بعضْ البشَر , فـ ألهمني [ صبرآ ]
........................... كَآفيآ لـ / تحملهآ ..
اقتباس مشاركة  (سارونة الحبوبة)
معكم في المقاطعة مافية احسن من العثيم

وليكن شعارنا يدا بيد خليها تعفن

يسلموا عالمرور
وما توفيقي إلا بالله
اقتباس مشاركة  (نجمةسدير)
المفروض اذا شفنا غش وتلاعب بالاسعار يعني علي الرف غير وعند الكاشير غير ماناخذها ونرجعها علشان يتادبون بس المشكلة انو الناس تقول فشيلة او ماعندي وقت او فرق ريالين ثلاثة معليش لا مو معليش ان اح يلعب علي ويستغلني لو في ريال واحد المفروض نادبهم ونعلمهم السنع..
هلا بك نجومة

هنا مكمن الخطأ اننا نستحي من المطالبة بحقنا الا وقفي عند الكاشير ولاتخلينها تمر بسلام ولو عطلتي عشرين واحد وراك خلي الناس يتجرأون وما يسكتون عن حقهم ...
وعلشان يبدون يحترمون انفسهم ولا يغشون الزباين

اذا البلدية نايمة بالعسل لازم حنا نصحصح وما نرضى احد يلعب علينا يعني حنا اصحاب الحق نستحي وهم ينهبون عينك عينك ولا يستحون ؟؟؟؟
وما توفيقي إلا بالله
بنات ازيدكم من الشعر بيت ..حتى كاااااااارفووووووور نصاااااااااااب مرره الاسعار عند الكاشير غير عن الرفوف وبعدين غلا اسعاره عكس اول انا عندي المستهلك احسن منهم .
اقتباس مشاركة  (ليـآلي)
فعلا وعن تجربه اخذ اغراض بسيطه واتفاجاء انه عند الكاشير غير

ع فكره انا مقاطعتهم من 4 سنوات او اكثر مافيه مثل العثيم وعروض رووعه وفررق كبير بالسعر

وغير كذا ناس حقاانيه يخافو الله وشووفي ربي مبارك لهم برزقهم والله يزيدهم
هلا باحلى ليالي
فعلا بنده اكثر ناس نصب والعجيب انه بكل الفروع يعني وباء مستفحل

الشي الثاني العثيم ماعليهم خلاف لكن انتبهي ترى يحصل وياخذون زيادة بعض الاحيان

وغير كذا اكثر من وحدة قالت على ملاحظة عند العثيم لما تاخذي العروض اللي بربطة تطلع لك اغلى من لو تاخذيها مفرقة مثلا عندهم التونة لنفرض ان الحبة بثلاثة ريال لما يجمع لك اربع حبات بلصقة وحدة وعلى بالهم مسوينها عرض ياخذ عليها زيادة ريالين واكثر .. الظاهر يخلونك تدفعين قيمة اللاصق اللي متعبين انفسهم عليه ...
ونفس الكلام هذا في السدحان انا اكتشفته بنفسي من باب الفضاوة...
وكذا علب البسكوتات لما تاخذي البسكوت بالحبات يطلع اقل سعر بريال او بريالين

الزبدة لاتثقين باي احد لابنده ولا العثيم ولا السدحان ولا غيره .. لازم تفتحين عيونك مضبوط ولا تسكتون كلموا الادارة وخلي صوتك عالي علشان كل الزباين ينتهبون ..
وما توفيقي إلا بالله


الساعة الآن 02:19 .