أم عبد الكريم .....حياج الله بالكويت ...والبيت بيتج نفرشه لج بالورد والزهور


صراحه الكويت سوقها روعه ....من ناحيه الرخص ....يعنى الغنى يكشخ والفقير

والحمد الله .....من المواقف الحلوه .....كنت ماره المحاميد ....وهذا سوق عجيب من الرخص

والأشياء الحلوه ...لقيت نساء سعوديات بسطوا بالأرض وطلبوا من الرجال درازن ملابس وأغراض.............فى كل مكان المحاميد ((عندج بالعاصمه مجمع بهبهانى ))

داخله المحاميد.....+ سوق بمئه فلس

عندج المباركيه ...سئلى عن سوق 50 فلس ...تلاقين أشياء كثيره تعجبج وتعجب الأطفال

عندج ((مجمع الأوقاف ))كله دراريع بس تخيرى + كم محل للأطفال + بالسرداب حضانه

للأطفال ....وألعاب ....يعنى أخذى راحتج بالتسوق وألأطفال يلعبون مع الخدامه


عندج ((لا ند مارك ))........يهبل عاد كل شئ فيه والأسعار روعه ....من ملابس وأنتيكات

وكفرات وتلفونات وكماليات للبيت وأحذيه ومكياج يوجد فرع ((السالميه + الشويخ ))

ومطاعم داخله والألعاب


صراحه سوق دوله الكويت أكثر من روعه ......

عندج عاد الخطير ((فيلا مودا ))........بس تفرجى وبس ....خيال أسعار نار بس موديلات وماركات قمه فى الروعه.

شقول راح .....تسنبسطين جدا من الكويت....وشارع المطاعم ..تخيرى هناك البوضه ...بوضه فارس+ السندويشات والعصائر الروعه+

وعندج مجمع الأيوب ((تحت فى سوق برخص التراب ))سيتى بلاس للبنات أسعار عجيبه ومديلات روعه

صراحه الكويت التسوق فيها جدا روعه ....أنا كويتيه لكن لما أروح السوق أنسى عيالى

المهم عندج تقليد ماركات شنط ....روحى لمحاميد خيطان ((مجمع الدبوس ))

هناك العجب .

شقول شتكلم ......وناسه فى وناسه+ غير الجمعيات الى تونس كل شئ فيها+

أماكن الترفيه كلها مراوح ...تطلع رذاذ من ماء ....والمجمعات مكيفه والسيارات

وأى شئ أنا بالخدمه
20-06-1425 هـ, 11:54 مساءً
 
أضم صوتي إلى صوت خواتي بنات ديرتي وأحب أبين لج إن فنادق الخمس نجوم على كبر الديرة
يعني تلاقينها بسرعة بدون تعب لأنها وايد ولأن الكويت صغيرة..والأسواق والمجمعات التجارية هم وايد
خاصة السالمية كلها مجمعات..وأماكن الترفيه منتشرة وراقية ونظيفة والخدمات تمام..والبحر لا يطوفج..
الصراحه الأماكن الترفيهيه والشاطىء راقيه جدا ونظيفه ..يعني 100%راح تعجبج..وحياج الله في وطنج
الثاني مع تمنياتي بقضاء إجازة سعيدة ورائعة في أرجاء وطننا الغالي..
21-06-1425 هـ, 12:41 صباحاً
 
الاخت فاتن22 مشكوره حبيبتي على مرورك
الاخت حبيبة الكويت الله يعطيكي العافيه حبيبتي الحقيقه ما قصرتي
الاختfraternity جزاك الله خير
فعلا الاخوات ما قصروا
21-06-1425 هـ, 02:03 صباحاً
 
أختى ...أم عبد الكريم

يعجبنى (((حولى بارك ))).....جديد سار له كم شهر فاتح ....كله الألعاب

ومطاعم + داخله مكتبة جرير + محلات لبيع الحيوانات .....وفى مكان بعد

مغطى عن الحر وفى مكان بره ....صراحه عندى أحلى من المدينه الترفيهيه

+عندج شوبيبز ....كله الألعاب


والأماكن كثيره جدا جدا .....
21-06-1425 هـ, 05:22 مساءً
 
مشكوره اختي حبيبة الكويت الله يعطيكم العافيه جميعا
21-06-1425 هـ, 07:17 مساءً
 


الساعة الآن 11:01 .