ياهلا فيكم يالبحرينيات ......مبارك عليكم الشهر .....لي طلب صغير ابي منكم طريقه عمل الخنفروش بس طريقه مضبوطه ....اانااسويه بس يطلع كل مره طعم غير مع انه يعجب عيالي بس مااحسه زي البحريني ....وابيه لو سمحتوا بالصور الخطوات لاني اعرف الطريقه بس ابي اشوف بالصور .....وعادي حبيباتي اللي تبي تكتبه بموضوع مستقل مش لازم بموضوعي المهم ابي الطريقه >>>>> طرار ويتشرط ...احم و هذي لكم

ماطلبتي شي اختي بعطيج طريقة سهلة وجربيها وقوليلي رايج إذا عجبتج حطي أربع بيضات في زبدية وفنجانين سكر وكاس جبن صغير حليب سائل وهيل وزعفران وخلطيه زين مازين بعدين جيبي طحين بالخميرة وضيفيه على الخليط شوي شوي لي ماتصير عجينة موسائلة بالمرة ولا جامدة يعني مثل عجينة الكيك (قبل ما تدخلينها الفرن) وبعدين حطي زيت في مقلى على النار وخليه يسخن وبالملعقة صبي عجينة الخنفروش وبتصير لج شكلها دائري وإذا تحبين زينيها بالسمسم وعليج بألف عافية .
ياهلا باهل البحرين .............مشكوره طريقتك سهله بس مافيها ماي ورد والا هذا اختياري .... تسلمين ياآهات والم والله يبعد عنك الالم..
حبيبتي أيه طريقتي مافيها ماء ورد لني سمعت ان ماء الورد يخليها تصير يابسة شوي بس بعد انت وكيفج إذا حابه تحطين حطي
حاضرييييييييييي ييين
راح أعطيك طريقة مضمونة و أصلية للخنفروش البحريني ... بس عاااد هااا لا تنسيني من دعاءك
تخلطين كمية متساوية ( كاس جبن صغير ) من : سميد - طحين رز - ماء ورد منقوع بزعفران - سكر - زيت + بيضة + رشة هيل + ملعقتين دبس تمر و بس !
خليهم شوي يتخمروا و بعدين راعي أثناء القلي أن ما يكون الزيت غزير و ترشين فوقهم سمسم محمص حسب الرغبة !
و عليكم بألف عافية


الساعة الآن 11:02 .