في البدايه أحب اشكر القائمين على هذا المنتدى الرائع . وأنا من أشد المعجبين والمتابعين لهذا المنتدى والله يعلم شكثر أستفدت منه الله يجزاكم كل خير .
بس اللي خلاني أسجل وأشارك معكم هي مشكلتي اللي أتمنى ان اجد لها حل من خلال نصحكم وتوجيهكم ..
مشكلتي هي زوجي . زوجي إنسان عديم التفاهم لايجيد حل المشاكل وإذا ناقشته في أمر لايعرف غير الصراخ
أو التهرب اتفاهم معه كانني اتفاهم مع طفل لايتجاوز العاشره من عمره يتصرف بأستهبال ويريد ان يثبت
رجولته أمام أسرته بحكم اننا نعيش مع أهله برفع الصوت والصراخ بإدعاء إنه عصبي وانا اعرف انه يتعمد
هالشيء بصراحه تمللت منه ومن تصرفاته . الحين صارلنا متزوجين وعندي منه والحمدلله بنت وولد . زوجي
غير انه مايتفاهم اسرارنا كلها عند أمه يعني اي شي يدور بيني وبينه يروح يقوله لامه حتى اتفه الامور مايكفي صبري على بعد اهلي وتحملي لاهله ومشاكلهم وأخته المريضه وشغل البيت اللي مايخلص واخوانه المتزوجين وزوجاتهم ومشاكلنا مع بعض غير مشاكله هو يعني مو مريح علي ابد في اي شيء شرحتله انه لازم نسكن بروحنا عشان نبعد عن المشاكل ويحس بالمسؤليه ويتعدل وارتاح انا واخذ راحتي في بيتي رافض هالشي بحجة أنه مايقدريروح شغله وأنا وعيالها بروحنا بالبيت ويجيب مليون عقده وعقده عشان اصرف النظر ويقعد يقول تخيلي احد من العيال تعور تخيلي انبوبة الغاز تسربت تخيلي ناقصكم شي ويقعد يقول تخيلي وتخيلي للصبح هذا طبعاً بعد ما أخذ رأي البابا والماما يعني ابوه وامه عاد ابوه وامه كل شي عندهم لا وصعب وماتقدر يعني يسوون من الحبه قبه يصعبون الامور عشان لايطلع مو بس معاه تعاملهم هذا مع اخوانه كلهم ويقولون في وجههه انت مب كفو تتطلع وتسكن بروحك . ليش لانه ابوه معودهم من صغرهم يعتمدون عليه في كل شي يعني زوجي لو قلتله جيب طماط ولا بصل يقول ما اعرف اشتري خروف ما اعرف جيب هالغرض ما اعرف مدري شنو يعرف هالرجال حياته دوام اكل نوم يعني معتمد علي وعلى ابوه وامه في كل شي يبين زوجه وخدامه ومربيه لاولاده وادير شؤنه حتى ملابسه مايعرف يختار ولايشتري شي لنفسه انا لازم اقوله روح واشتري لك لا بعد نقاش طويل ولازم اروح وياه عشان اختار له وبالاخير يقول مالهم داعي خلينا على الثوب احلى بس حرام الكذب الثوب ما اخفي يروح يفصله بروحه عاد فشله حرمه ادش محل الخياطه الرجاليه وفوق هي كله يبيني اشتغل واكمل دراستي ياعالم فهموه شلون اوفق بين كل هالامور شلون بدون مساعده منه وهو إنسان لايتفاهم حاولت معه باللين بالعصبيه بالضجر بالمحايله بالبكاء ومافي فايده يعني احس وجوده وغيابه في البيت ما تفرق كثير الا بشي بأزعاجه لانه اذا هو راح مكان من يصارخ ويلعب مع اخوانه اللي هم عيالي لانه بصراحه الحين صار عندي ثلاث اطفال هو ثالثهم متى يعقل ويحس فيني حتى اخوانه وزوجاتهم يقولون زوجك ما يفرق شي عن الاطفال اسمع هالشي يجيني قهر وهو الحين باقي له سنه ويدش الثلاثين وهذا حاله .أنا ما اخفي انه طيب من داخله وبيتوتي ويحبني ومايبخل علي ببعض الامور بس هذا مايكفي وماعتبره حب اذا ما شاف زوجته مرتاحه. يعني انا إنسانه من لحم ودم احس واتعب مدري هو مفكرني أشتغل على ديزل راحتي بكثرة أشغالي .
ما أشوفه ابد مب مثل باقي الرجال وين العقل والحكمه والرجوله وحسن التصرف والحنكه وين راعي الفزاعات وانا ادري ان كل هذا بسبب التربيه . أبي حل معاه يغيره بس مب عارفه شلون وشلون اقنعه انه لازم نسكن بروحنا بعيد شوي عن اهله عشان راحتي وعشان يصطلب ويصير مثل باقي الرجال ويترك اعتماده علي وعلى ابوه ويحس بالمسؤليه احسن من يقعد باجر يتندم .
وبالاخير أنا ما انكر إني أحبه وأعزه بس ابيه يكون أحسن الناس وبعيدين عن وجع الراس والأنسان اذا ما تمتع بشبابه وأرتاح متى يرتاح اذا شاب وعاف الدنيا ..
ادري طولت عليكم بس هذاوالله جزء من معناتي وأعذروني اذا وجدت هناك اخطاء املائيه او تعبيريه او نحويه لاني في عجله من أمري
ولكم جزيل الشكر والامتنان..
يلزم عليك تسجيل الدخول أولًا لكتابة تعليق.
الحلاغند
•
الله,,,,,,,,,,,,,,يعينك
والله زوجج واضح انه اتكالي لكن دامه طيب لا تخسرينه
وحاولي تحسسينه برجولته بتعاملج انتي وياه حاولي تستنجدين فيه خليه يعرف انه هو مسؤل عنج مو اهله
وعسى الله يوفقج ان شاءالله ..
وحاولي تحسسينه برجولته بتعاملج انتي وياه حاولي تستنجدين فيه خليه يعرف انه هو مسؤل عنج مو اهله
وعسى الله يوفقج ان شاءالله ..
الله يعينك
لا تناقشيه وانتي معصبة او هو معصب خليك هادية لما تكلمينه عشان ما يتنرفز
وصارحيه بعصبيته وقولي انا ما ارضى انك ترفع صوتك علي وقدام اولادي
وحاولي تخلينه بعتمد على نفسه
روحي معه للسوبر ماركت عشان يتعود وشجعيه وكل ماجاب لك شي حتى لو بسيط اشكريه
وبالنسبة للاسرار صارحيه
اهم شي بينك وبين زوجك الصراحة اللي ما تسبب زعل صارحيه بعيوبه وخليه يصارحك بعيوبك
الله يعينك ويوفقك ويسخر لك زوجك واهل زوجك
لا تناقشيه وانتي معصبة او هو معصب خليك هادية لما تكلمينه عشان ما يتنرفز
وصارحيه بعصبيته وقولي انا ما ارضى انك ترفع صوتك علي وقدام اولادي
وحاولي تخلينه بعتمد على نفسه
روحي معه للسوبر ماركت عشان يتعود وشجعيه وكل ماجاب لك شي حتى لو بسيط اشكريه
وبالنسبة للاسرار صارحيه
اهم شي بينك وبين زوجك الصراحة اللي ما تسبب زعل صارحيه بعيوبه وخليه يصارحك بعيوبك
الله يعينك ويوفقك ويسخر لك زوجك واهل زوجك
الصفحة الأخيرة