مرحبا خواتي


شوفوا حبيباتي اللقيمات عندنا ما تختلف عن اي لقيمات الا في المقادير بتكون اقل


يعني كانت الوالدة الله يحفظها تسويهن بهالطريقة وعلي حسب الكمية اللي تكفيكم :

كيلة طحين او 2 علي حسب احتياجكم ( والكيلة مثل ما انتوا عارفين هي علبة السميد الحمرا ) وممكن تستخدمين كيلة رقم طحين رقم 1 وكيلة رقم 2
بيضة + رشة ملح + سكر حسب الحاجة من فجان الي 2 + ملعقة خميرة ( طبعا قبل كانوا يستخدمون الخميرة اللي في العلبة

الصغيرة اللي ما تكون ناعمة تكون حبوب ويخلونها تخمر براحتها ") والحين طبعا كله مستعجلين اختصار للوقت نستخدم


الخميرة السريعة وتؤدي الغرض .

شوية هيل مطحون + زعفران + ماء يكفي للعجن .


تعجن كل المقادير مع بعض وتترك لتخمر مثل عجينة اللقيمات اللي تسوونها .


عند القلي تخففين كمية الزيت عشان تتطلع مثل القروص ( يشبة قرص الخنفروش ) يعني مب مدور مثل الكورة



وتنحط علي ورق نشاف يتشرب الزيت وتحطين عليها الدبس .


هذي الطريقة الاماراتية القديمة واللي طبعا امهاتنا كانن يسونها ولها طعم ولذة غير شكل .


وكل عام وانتوا بالف خير والله يبلغنا الصيام والقيام يا رب.


الساعة الآن 06:40 .