بقية لفطور

البف بحشوة التونه



وهنا سمبوسة باللحم والبيض



وهنا مطبق بالصينيه



شوربة كويكر بالدجاج



اتمنى ينال اعجابكم طلعت روحي على ماكملت الصور النت يرفع الضغط
الصور المرفقة
نوع الملف: jpg تعديل فطور 11 يوم 2.jpg‏ (30.3 كيلوبايت, المشاهدات 1067)
نوع الملف: jpg تعديل فطور 12 يوم 2.jpg‏ (27.0 كيلوبايت, المشاهدات 1056)
نوع الملف: jpg تعديل فطور 13 يوم 2.jpg‏ (42.3 كيلوبايت, المشاهدات 1055)
نوع الملف: jpg تعديل فطور 14 يوم 2.jpg‏ (29.6 كيلوبايت, المشاهدات 1057)



ياقلبي عليك اجل تعبتي اليوم ذكرتيني باول وم تعبت على شي بسيط وانسدح ابي غفوة بس مو قادره من التعب متكسرة

حاسه فيك الله يكتب لكم الاجر وبانتظار صورك

غلا ياحبيلها امك شكلها تنفع تصير صديقتي هههههه انا نفس طريقتها اي نوع بسبوسه انهبل عليه

اجرب الببسبوسه بجميع طرقها كل يوم بطريقه عندي طرق لها بالهبل لكن المحشيه هذي معتمده

رهيبه وعليها طعم كل من ذاقها ياخذ طريقتها

وهذي الطريقه لعيونكم

المقادير :

كاس سميد يفضل الناعم + كاس حليب سايل ( 3 ملاعق حليب مع كاس ماء) + نصف كاس سكر + كاس الا ثلث زيت

بيضتين + ملعقة بكنج باودر + ذرة فانيليا

الطريقه :

تخلط جميع المقادير مع بعض مع ملاحظه انها تميل للسائله ويوضع نصفها في صينيه مدهونه وتدخل لفرن حتى تتماسك وتشقر من الاسفل

ثم الحشوه ( كاس ماء + 5ملاعق حليب + 3ملاعق نشا + ملعقتين سكر ) توضع في قدر على النار مع التحريك

حتى تثقل ثم يضاف عليها علبة قشطه وترفع عن النار تضاف على الصينيه جهزيها والطبقه الاولى بالفرن

ثم يوضع عليها بقية الخليط للبسبوسه كطبقه ثالثه لكن شوي شوي بملعقه وتدخل الفرن حتى تماسك وتحمر من الاعلى

تحلى بالشيره وتقطع وتقدم وبالعافيه عليكم



هلا ومرحبتين ياغلا ابد تمونين الحبيبة والا الحبوبة سوا
والحشوة ياطويلة العمر فيها نص سلقه بس بتعجبك ان شاء الله

بازاليا مسلوقه >>>>> بس هذا اللي ينسلق فيها
البطاطس اللي يجي اكياس جاهزة للقلي هذا خذي منه وقطعيه مكعبات >>>>>هالخطوة اخترعتها لأنها تجي تقريبا مستوية ولا احب اسلق البطاطس
بصله مفرومة
بقدونس وكزبرة مفرومين

ماجي - فلفل اسود - كاري _ بابريكا - صفار الزعفران

تحمسين البصل ثم تحطين البازاليا والبطاطس وتقلبين
ثم حطي البهارات وقلبي ثم ارفعيها عن النا وحطي عليها البقدونس والكزبرة وبس

والتميس ياعيوني
المقادير:
3كاس دقيق
3ملاعق سميد ناعم
2ملعقه سكر
ملعقة خميره
ملعقة ملح
ماء دافي للعجن من كاس الى كاس ونصف
زيت زيتون لدهن العجينه
الطريقه :
تعجن المقادير الناشفه ثم تعجن بالماء ثم تدهن بالزيت وتترك في مكان دافئ لتخمر
تاخذين نص كمية العجين و افرديها باليد على صينية وادهنيها بالزيت ورشي السمسم دخليها من تحت حوالي 10 دقائق
ثم حطيها على اعلى رف في الشوايه وشغلي عليها من فوق بس ترى بسرعه تتحمر

وياعساه هني وعافيه عليكم
واحبك الله الذي احببتيني فيه يالغالية ويشهد الله علي انك دخلتي قلبي وحبيتك
الله لا يخلينا منك ياغلووو


وحجووووبه ماشاء الله القلوب عند بعضها وبقووووه بعد
سبحان الله
اجل تراني بكره ابسوي شوربة بالدجاج لا تسوين مثلي>>>> شوفي النذاله مالقت الا الشوربة
بالعكس والله ترى دايم تصير وخصوصا بيننا نفكر في نفس الشي او نصلحه
الله يعطيك الف عافيه ويسلم هالايادي ماشاء الله سفرة روووعه
اقتباس مشاركة  (شمعة الدور)
وقسم ماابي اشكر <خايفه منك ياغلا الخالد
بس دعيت لكم بقلبي ياحبي لكم
الحين ميخالف نقول نبي طريقه طبخه من هالصور الطيبه ولا ماودك ياقلبي؟
اخاف كل ماسألت يضيق صدرك ولاشي سبحان الله
وانتي اسم الله عليك خفيفه دم وحبيبه ولا ودي اضايقك!!
بعد انا ياعمري انرحم بس اجمع من هالطبخات وللحين ماسويت شي لاني ماصمت تعباااااانه وطالعه من تجربه صحيه مريره الحمد لله عدت على خير
لكن صدق حسيت هالسنه فعلن بمعنى كلمه<كل عام وانتي بخير>صدق الخير بالصحه والعافيه الله لايحرمني وياكم منها
والله اني مالي داعي بهالسالفه الي مالها دخل بالموضوع بس مدري هي جت كذا
ياربي لهدرجه انا اخــوف ..اشوى اجل ..
ياجعل ربي يقبل دعـاك ..
أسألي يالغلا وخذي راحتك ..لاتخلين أحس بتأنيب الضمير ..
لا والله ماراح يضيق صدري ..وانتي عارفه يالغلا ..
انا قلت لا احد يقول شكر ..او يسلمو بس ..
اما اللي يبي يسأل حياه ربي ..وش دعوه ..وش فائده الموضوع من غيركم ..

الله يشفيك يارب ..
الحمدلله على السلامه ..وماتشوفين شر يارب ..وجعله تكفير يارب ..
وترى المؤمن ممتحن بقدر أيمانه ..وتذكري ياقلبي نبي الله أيوب ..كيف كان رمضه ...كيف كانت حياته ..
وهو نــبي من الله ..وموكل بالرساله ..وقتها بتحسين ان الحمدلله مافيك الا العافيه ..

الله لايخلينا من رحمته ..ومن النعم المحسود عليها الانسان الصحه ..
والا الانسان وشو بدون صحه ..لو شوكه تغزه تعب ..الله يجعل كل شئ باجره ..
ولايحرمنا من فضله ..
وعادي يالغلا ..اهم شئ نفستي عن اللي بالخاطر ..وارتحتِ ..
ننتظر نشوفك قريب وتقولين تراني صمت ابشرك ..وبعدها تنزلين الفطور ..


اقتباس مشاركة  (*همس الورد*)
هههههههههههه ياملحك ياغلا اجل احرجتك

انت تامرين طريقة الشوربه صدور دجاج مقطعه صغير ..بصل مقطع صغير ..2 كاس حليب مراعي ..دقيق..مويه..كريم ة خفق..
واجي نو موتو ..ومكعب ماجي.. وملح.. شوية فلفل ابيض

احمس البصل بزبده وشوية زيت بدون مايتغير لونه وبعدين الدجاج واقلبه لين يتغير لونه واحط عليه 3 ملاعق او اربع دقيق واقلبه بسرعه واوطي على النار شوي و اضيف له الحليب شوي شوي واحرك وبعدين المويه واحركها واضيف الماجي والملح والفلفل واغطيه طبعآ على نار هادئه لحد ماتقرب تستوي اضيف لها كريمة الخفق واخليها شوي على النار وبعدين اشيلها
وبالهناء والعافيه لغلا واسرتها وكل من يصلحها
تراها سهله بس انا مااعرف اشرح السموحه
اي والله أحرجتين ..
اما لا غير ..انتم تستخدمون الحليب السائل ..!!وهذا سبب اللون الابيض ..
حنا لا اربع ملاعق حليب بودره ..وشوي شوفات بالخلاط مع شويه مويه ..وابد تصير بيضاء تلق ..

لا والله ترى شرحك كافي وافي ..مافي اي شئ من الصعووبه ..
الله ييسر أمرك يارب ..

الله يعافيك يارب ..ويجزاك الجنه ..ولايحرمك الاجر ..
عاد نزلي فطوركم الثاني ..
>>ماتنعطى وجه أبد ..
حلووووووووو

لي عوده بأذن الله


الساعة الآن 08:14 .