السلام عليكم كيفكم وش اخباركم
عساكم دوم يارب بخير

خواتي تخبرون احنا في رمضان الاكل وبالذات الشهر يكون في الطبخ غير عن باقي السنه
وعشان كذا اانا تقولون لي كيف طريقة عجينة بف باستري شريتها وتهوقت فيها ولااعرف طريقتها الطريقه الي مكتوبها عليها مو مفهومه الي تعرف طريقتها تقول لي لاني نفخت عمري عند زوجي وقلت له اعرف اسويها

وفي الحقيقة انا ماعرف بس لاقفه مني وتوهقت

وبيني وبينكم انا خليتها في الفريزر وفاجئني حبيبي زوجي وانا جالسه في الصاله دخل على واهي في ايده وقال هاا وين الي بتسوينها وانا وجهي تغير مرره

وعلى طول جبت له سالفة العيال وغيرت الموضوع بسرعه

لاتخلوني بليز فزعو لي بسرعه الي تعرف تقول لي

تحياتي خواتي

اذا هي من الحجم الصغير قصيها بالنصف على شكل مثلث واحشيها جبن وقفليها ودخليها فرن حامي حتى تنفش وتحمر وطلعيها وسقيها يا شيره او نستله وزينيها بالهرشي
او احشيها خلطه دجاج
او اعمليها في قوالب الكوب كيك واحشيها اي شي
المهم مايضيع مستقبلك
طلعي برا الفريزر شوي حتى تفك

خوذي حبه واقسميها بالسكين اربع اقسام او قسمين

احشيها جبنه وقفليها مضبوط على شكل مستطيل او مثلث

رصيها بصينيه مدهونه بشوية زيت

وامسحي على وجه كل حبه صفار بيض ورشة سمسم

حطيها بفرن ساخن من تحت ثم من فوق

وبالهناء والعافيه
حلول البنات حلوه وخوذي مني طريقه اسهل عرفتي الاله حقت التوست مو النطاطه لا المثلثات الي تحطين التوست وتسكرينه ***** الله تكونين فهمتي علي حطي فيها البف باستري واستنيها لين تنفش وبعدين المربعه الوحده تطلع مثلثين افتحيها واحشيها وعليكي بالعافيه وممكن تسوين فيها عجينه البف
وهذي صوره الاله
اللهم اني استودعك احبتي فحفظهم واسعدهم يارب ومتعهم بدنياهم بالصحه والعافيه
خذي مربع واحد بعد مايذوب قليل من الثلج واقطعية لاربع ارباع

بللي كل ربع بقليل ماء وغطسية في سمسم او زعتر ودخلية الفرن بيطلع لذيذ


طريقة ثانية قسمي المربع الى أربع أرباع ودخلي كل ربع في فنجان قهوة عربي

وأحشية بجبنة كيري ورشي علية شعيرية باكستانية ودخلية الفرن لاتخافي الفنجان ماينكسر

ولما تحمر من تحت وبعدين فوق أخرجيها من الفرن ورشيها بقليل من الشيرة

الطريقة الثالثة رصيها في صينية وحطي عليها لحم مستوي ورشي عليها حبنة

وحطي طبقة ثانية عجينة واقفليها من الاطراف وأدهنيها بالبيض او الحليب ورشي عليها سمسم

ودخليها الفرن


او أعملي ارجل الدجاج الكاذبة خذي الطريقة من المنتدى

الطريقة الاخيرة وهي الاسهل

احشيها اي نوع جبن حتى لو سائلة وأطويها على شكل مثلث وأضغطي على أطرافها بالشوكة عشان تقفليها وادهنيها ورشيها بالسمسم او الحبة السوداء ودخليها الفرن وتطلع زي البريك العادي


الساعة الآن 04:00 .