السلام عليكم

كيفكم...
احس اني صدقية مبسوطة اني مسوية فطور ههههه
اول مرة اكون المسؤولة عن الفطور كاااامل..ببيت اهلي كنت اسوي شي واحد او 2 لاننا ماشاء الله كثار خواتي وامي والشغالة..قلت قصة حياتي خخخ
والحين الحمدلله في بيتي بس عندي بنوته دلوعة وصيوووووحة ماتخليني اسوي شي عشان كذا فطورنا بسيط وخفيف مرة...وفرني كهربا وكل شوي طافي الكهربا هبببببببل بي بس الحمدلله تم بسلام...والسفرة جاهزة قبل الاذان هههه

اول شي سويت شوربة كويكر..
بصل +طماط حمرتهم بالزيت وكنت مغسله دجاج وحطيته معهم..
الكوكير حطيته بمويه باردة وسويت البصل والطماط والدجاج..وعقب حطيت الموية والماجي والكويكر...
تصدقون محد يعرف يسوي شوربه غيري(استهبل ترا)

الطبق المالح كان توست بالدجاج
قريته هنا لاختي روانجد الله يجزاها خير ويفرج لها..بس كانت طريقة حشوتها غير بس الفكرة سرقتها..
توست يقطع دوائر..
والحشوة سويتها دجاج
غسلت الدجاج وتبلته اول شي بملح وخل وغسلته كويس وبعدها تبلته بليمون وزبادي وملح وفلفل وزنجبيل..
حمرت البصل وفلفل اخضر وحطيت الدجاج حمرتهم سوا وبهارات وحطيت موية شوي وماجي ولما استوى تقريبا حطيت جبن سايل وخلطتها زين..
كنت مجهزة صلصة بسوي بيتزا بس مالحقت
الصلصة عادية صلصة طماطم حطيت معها اوريقانو وفلفل وملح
دهنت التوست بالصلصة حقت البيتزا وحطيت الحشوة فوقه شرايح طماطم وقطعت جبن شرايح بعرض الاصبع تقريبا وحطيت الشرائح بشكل خطوط فوق الحشوة..
وحطيتها بالفرن شوووي بس تذووب الجبنه..وتتماسك...وقدميها بالعافية


الحلو بف باستري..خخخ ابتلشت ماعرف له صراحة بس مابي اورط نفسي اسوي عجينه اخاف بنتي توهقني تصيح ومايمديني اسوي الفطور..
قطعت البف 4 مربعات صغار وحطيتها بصينيه الميني كب كيك القوالب..وحطيت جواتها قطعه صغيره جبن كيري..
بالفرن طبعا لحد ماتحمرت طلعتها وصفيتها بالمقلوب شكلها احلى من تحت..وصبيت فوقها نستله وهيرشي يمييي بقووة احب النستله

وطبعا تمر وقهوة وموية..

هذا فطور احس يصلح للزنقات والوهقات..واهم شي شكله حلو ومرتب وطعمه لذيذ..
وعجب من فضل ربي....طبعا لانه عارف طبع بنيته الله يحفظها خخخخخ

وبس..............
ادري مافيه جديد بس مبسوطة اول مرة اسوي فطووور..ماشاء الله لاتصكوني بعين >>>اهجدي بس
الحمدلله
ماشآء لله سفرهـ عآمره ياعسسل
والله يخليلك بنتك ويصلحها
ماشآء لله سفرهـ عآمره ياعسسل


جعله دوم في بيتك العامر وياحبي لك حاطة الطريقة انا شوفي فطوري واضحكي فطور بزران زعلين بس بدون صور وتراني مصورته

بس اني مااعرف انزل الصور>>>>تراني فوق موضوعك خخخخخخخخخخخ
انا مثلك ...بس فقدت اهلي وصجة الفطور كثيير ..<<تعودت ع الصجه هههه


تسلم يدييينك ..ماشاء الله ..


الساعة الآن 03:44 .