السلام عليكم ورحمه الله وبركاته

بنات تكفون عندي بعض الاستفسارات وابغي منكم المساعده
بصراحه انا ما اطبخ لحم كثير لاني ما اعرف كيف اطبخه
وتعرفون الريايل اهم شي عندهم اللحم احلى من الدجاج والسمك والربيان والسوالف الثانية

فبسألكم اللحين إذا ابي اطبخ إي شي يكون فيه لحم
يعني مثلا لو بطبخ مجبوس لحم او حتى صالونه لحم
لازم اول شي اسلق اللحم ؟


طيب سؤال ثاني
إذا سويت مجبوس ليش دايم الرز عندي يكون لين ؟
ابغاه يكون حبه حبه كيف ؟
وإذا قلت بقلل كميه الماي علشان ما يلين عندي الرز
الرز يكون يااابس و مو مستوي !!
طيب كيف اقدر كميه الماي ؟

طيب على الاقل تقولون لي
الله يساعدج
ههههههههههه
لازم اول شي اسلق اللحم ؟

مجبوس لحم ممكن حبيبتي بس بشرط المروق ماتكبينه تحتفظين فيه

يعني تسلقينه مدة ساعه بعدين تحمسين البصل مع الزيت والطماط مع البهارات وتبدين تمرقين من ماي اللحم يعني كوب مرق وتحطين اللحم على الحمسه وتمرقين عليه وتخلينه مدة نص ساعه

في هالوقت تكونين غاسله الرز ومنقعته

بعد ماينتهي النص ساعه ترفعين اللحمه بالملاس او الملعقه وتغطين اصابعج بالماي البارد وتقرصينها وتشوفينها اذا نضجت وماتحتاج طبخ اكثر خلاص تقدرين تشيلينها
وترشين عليها شوي زيت وبهار وتشوينها بالفرن من فوق
او تخلينها بالمرق مع الحماس وتكبين عليها الرز وتمرقين 3 اكواب
يغطي الرز شي بسيط وتغطينه بالقصدير

وتنملين عليه النار ((تخلينها ضعيفه))

و عـــــــواااااا ااااااااااااااا اااااااافي عليكم





طيب سؤال ثاني
إذا سويت مجبوس ليش دايم الرز عندي يكون لين ؟

لانك تكثرين مرق ويلين

ابغاه يكون حبه حبه كيف ؟

خلي المروق تغطي الرز بشي بسيط

وإذا قلت بقلل كميه الماي علشان ما يلين عندي الرز
الرز يكون يااابس و مو مستوي !!

اذا قللتيه غطيه بقصدير عشان البخار يرد عليه وينضجه

طيب كيف اقدر كميه الماي ؟

خليه يغطي الرز بشي بسيط


ودعواتك يالغاليه


وكل سنه وانتي بخير



اضغطي على الصوره لمعرفة لماذا حذف توقيعك .


الساعة الآن 01:12 .