بنات القصيم الغاليات الحبيبات .. وما يهونون الباقين .. تعالن شوفن خلاصة سوعاني بالأسواق !!!

شوفن ياعمري ..

أبعطيكن خلاصة حوستي ودعوستي بالاسواق وأنا أدور منتجات بنات المنتدى !!!!

أولا : العطور .. حرام والله حرام تشترونه من النصاب مروج ..... , لأنه يدبل السعر عيني عينك !!!
روحوا الخبيب , فيه محلين أنا متعامله معهن وأرخصصصصص : محل خالد للعطور , ومحل المفلح , وكذلك صبغات وكريمات وشامبوهات ووووووو إلخ .
تصدقون دايم إذا رحت أشوف هنود وفلبينيين واندنوسيين محملين أكياس كبيرة صبغات وشامبوهات وكريمات منهم !!! كنت أتعجب : وش يبون بكل هالكميات ؟؟ عجزت أتحمل قلت لزوجي : تكفى اسأله !! تدرون وش طلعوا؟؟
طلعوا سواقين في مشاغل , يشرون للمشغل من أرخص المحلات , وتعالوا شوفوا تسعيرة الشغل عندهن في المشغل هالنصابات !!! حسبي الله عليهن ما فوقهن أحد يحاسبهن من المسؤولين !!!

ثانيا : الملابس الداخلية : تبين نصيحتي لا تلبسين ( في الحلات العادية ) الا قطن 100% , طيب وين تلاقينهن ؟؟؟
روحي شارع الملك عبد العزيز بالسوق الداخلي , يسار محل العالمية للأحذية فيه دخلة للقبة , ادخلي من عندها يجيك على اليسار محل اسمه ( الجطيلي ) .. هذا رخيص مرررة .. خوذي حاجتك منه , أما قمصان النوم فإذا تبين شي زين مرررررة فلا تخلين إيتام في موسم التخفيض !!!!!!
وإذا تبين شي رخيص وحلو بنفس الوقت روحي مركز ( مبارك ) في عنيزة .. عنده قمصان النوم حلوة وناعمة و سعرها بـ 18 ريال بس !!!! أرخصصصصصص !!!

ثالثا : ملابس الأطفال : إذا تبين ملابس للطلعات الخفيفة روحي : بيت الطفل / باوارث الي في طريق الشاحنات / مبارك في عنيزة ...... هذولا عندهم ملابس حلوووة ونعّومة ورخيصة مررررة , بـ 10 أو 15 ريال بس !!
لكن احرصي انك تغسليها باليد مو بالغسالة حتى ما تخرب عليك وتبهت وتحبّب !!
أما إذا بغيت ملابس للطلعات الي هيّه , فروحي لمحل أوكايدي بالعثيم مول في موسم التخفيض , وكذلك محل ما أذكر اسمه بضاعته حلووة تلقينه على نفس جهة كليرز ومكياجي ونعومي في العثيم مول ..
أما في عنيزة ففيه محل ( ممنون ) في شارع الزلفي , وجنبه مملكة الطفل والأخوين , الأول والثاني حلوات والثالث يعني !!!
وبعد لا تنسين طريق الطفل وكيدز توب , تلقينهم مقابل مستشفى الولادة , أحيانا بضاعتهم راقية مررررة , وأحيانا خلاقين ما تشتهين تناظرينه !!!!

رابعا : فساتين السهرة .. ما عندنا الظاهر حسب علمي الا : لمسات طيبة , مقابل مستشفى الولادة .. وفيه بعض المحلات بالعثيم مول , بس ماكد شفت شي يشد مرررة !!

خامسا :تجهيز عدة الولادة والمواليد أو شراء هدايا مواليد : تبين رخيص روحي الحسون الشركة , في شارع الملك عبد العزيز , أو مركز سامرة في الصفراء .. وكذلك بيت الطفل طريق الشاحنات ..
تبين غالي ويواجه : عندك ستي بلازا ومملكة الطفل ومحل في الجديدة في عنيزة أعتقد اسمه عالم الطفل أو شي زي كذا ( كلهم في عنيزة ) , عندهم أشياء حلوووة ..
وفي بريدة عندك بارق , وماذركير وأور كسترا وأوكايدي والقارب الصغير , و .... في العثيم
وفيه محلات حليلة داخل قبة رشيد ..

سادسا : المواعين وعدة المطبخ : فيه غالي وفيه رخيص , الغالي : الصانع والفوزان , بس أغراضهم تستاهل , وفيه أنوار الشبعان هذا عنده من إلى ... ( كل ما تبين ) بس يبيلك وقت تحوسين فيه !!!!
تبين رخيص روحي : سلة البركة , مقابل مكتبة الرشد , عنده علوم كثيرة وحركات بس السعر فررررق شاسع عن غيرهم ..

وش بقى .. وش بقى ... أمممممممم ؟؟؟؟

ايه .. بقى أقولكم وش لقيت بالفترة الأخيرة ..

شوفن ياحلوات ...
فيه بسلة البركة أشكال شموع حلوة ورخيصة , وفيه ألوان , فيه حمراء عريضة ومحاطة يخيط سميك فضي عليه تعلقة قلب فضي !!! رهيبة مرررة وبـ 6 ريال بس !!
وفيه أباجورات على شكل قلب أحمر تنفع لليالي الرومانسية والمفاجأت برضوه بـ 6 ريال!!!!
وفيه شمعدانات رهيبة رهيبة بمعنى الكلمة بس تراها تخلص بسرعة , فيه شي بغطاء زجاجي ( هذي تجنن ولونها وردي على موف ) , وفيه على شكل عناقين متدليه برضوه حلوووة ..
ولقيت عنده بعد صينية لشوي الدجاجة وهي واقفة .. هذي زينة مرررة وتخلي الدجاج كأنه مشوي بالمطعم ( متحمر زين على أصول ولين مو يابس ) .. وطريقتها انك تتبلين الدجاجة وتثبتينها في الصينية بشكل واقف وتحطين ماء بالصينية وتدخلينها بالفرن ساعة وتطلع أمممممممم !!! وسعرها بـ 5 ريال بس !!!

إذا تذكرون موضوع الشموع الطافية وأشكالها الروعة في المنتدى , لقيت مجموعة شكلها حلو أحمر مع كاسات مع كرستالات وخرز عند محل تحف مقابل مركز أريج في الصفراء ... سعرها بـ 30 ريال ..

إذا تبون صابونة الكركم والشاندريكا فأنا لقيتها بعد طلعة الروح عند بقالة هنود في الخبيب !!! وعلى 3 ريال !!
إذا تبون الزيت الفلبيني المقشر تلقونة عند سامرة ..
وفيه عنده بعد ( رول صغير جدا مثل مزيل العرق ) فيه زيت خروع خاص بالرموش , هذا أعجبني واشتريته بس أنسى أجربه ..
أما حلاوة الشيل فكان عنده نوع اسمه ( إيماك ) بصراحة ماكد مر علي مثلها , زينة مرررررة , بس خسارة انقطعت !!!
وإذا تذكرون صنفرة الرجلين ( فوت سكراب ) بعد عنده مع اني ما خليت مكان بالرياض ما دورتها فيه , بس وريت الهندي الصورة قال : معلوم هذا شركة أنا كلام هو يجيب هذا .. وفهلا جابها باسبوع !!

الشامبو والماسك حق الشعر : أنا مجربة لوريال البرتقالي ( إلفيف ) رهيب مرررة وأحس شعري تغير معاه ..
أما الصبغة فما كد مر علي زي صبغة ( سن إن ) الحمراء الي بالفراولة , لأن كل الصبغات تخشن الشعر لكن هذي تنعه !! وتعطي لون حلوووو ..

أما الشي الخطير الي لقيته : فهو عند كليرز .. سبحان الله كنت حاقرة هالمحل واظنه اكسسوارات بس , لكني لقيت عنده بالصدفة بلاوي مسيحة !!!!!!

لقيت يالحبيبات مرطب شفايف بطعم الكاكاو والفراولة , وفيه عدة أنواع : منتج من شركة هيرشي , ومنتج سينبون أممممممممممم , وفيه واحد عليه صورة آسكريم وفوقه كاكاو !!! هذا يدوخ !!!!
هذولي يالغاليات ممكن تستخدمونهن نفس استخدام منتجات لا سنزا إذا كنتوا خابرين الموضوع إياه .. وطعمهن رهيب مررررة !!!!!!!!
بس ...... فيه شي..

لا تتعبن وتدورن .. لأني أخذت كل الي عنده !!!!!!
بس إن شاء الله يجيب !!!!!!!



تعبت .....

إذا تذكرت شي رجعت لكم ...
الي عندها إضافة تتحفنا ..
شكرا لى هه المعلومات
من جد ياعذوبة دوجان على اصوله.....
موضوعك حلو ومفيد واكيد كثير بيستفيدون منه....
روحي ياشيخه الله يسعدك..

ابكلم على خواتي واعلمهن ..

تحياتي
اللهم فارج الهم فرج همي
دعواتكم
مشكوره اختي على المعلومات وانتي شكلك من بريده
واحب ازيد عليك شي ان العطورات انا مااشتريها الا من العليان اللي بعنيزه وخصوصا اذا كان فيه الشايب بصراحه يابنات مره رخيص وحتى اذا مالقيتي اللي تبغينه يطلبلك وهوا يجيبه لك
وحتى اتذكر وحده من البنات كتبت في المنتدى عن محل في عنيزه بعد يبيع لك الماكياج بارخص من السوق ويطلبلك بعد من الخارج واعتقد ان اسمه لاجلك


الساعة الآن 11:03 .