Analysis Services



السلام عليكم





لقيماتي وما أدراك مالقيماتي تقهررررر

اللقيمات رفعت ضغطي ماتضبط معي

مع أني أستخدم طريقة منال العالم

لكن تطلع معي لييينه وتشرب زيييييت

وأنا أستغرب أحط معها نشاء

بس ماش ماتجي قاسيه من برا

لينه وكلها زيت

مدري السبب من الزيت ولا من وشو

الدقيق تبعي هو الدقيق الكويتي

وسؤال أخير الزيت يصير حامي مررره ولا كيف

والله فشله أخر مره زينتها تقولون لقيمات مسويه حوادث.>> معرفطه وتفشل



أنتظركم الله يفرج همومكم ويفتح عليكم كل خير يااارب في هذا الوقت المبارك
06-09-1430 هـ, 05:44 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ابشري ياقلبي ياوعد اللقيمات تبي
شوي صبر بالنسبه للزيت قبل لايحمى مره
يعني يكون حامي بس مو لدرجه يطلع دخان لو بسيط معناها بيحرق اللقيمات
اذا بداء يحمى وطي على النار
وحطي اللقيمات بيدك اليمنى وملعقه صغيره بيدك اليسرى علشان تجي مدوره معك
واذا مافهمتى انا ابسوي لقيماتي واصورلك الخطوات
وماابي منك غير الدعاء لي ان الله يهون علي ..
بالنسبه لمقادير القيمات كاالتالي..
ثلاث كاسات ونصف دقيق الكويتي منخول انتي تنخلينه..
كاس ونصف لبن الصافي او اي لبن
4 او خمس حبات جبن مثلثات
بيالة زيت
4ملاعق حليب بودره ناشف
ملعقه خميره
ملعقه بيكن بودر
ماء كاس يكون دافئ
ذرة ملح
فنجال سكر
الطريقه
تضعين في كاس الخلاط(خلاط الطماط)
الزيت والماء واللبن والجبن والخميره
والملح والسكر والحليب وتخلطينهم
والدقيق والبكن بودر يكون في العجانه او بيدك عادي
يضبط تضعين مافي كاس الخلاط عليه
وانتى تعجنين الدقيق
حتى يتجانس وتكون العجينه
لينه ليست بالسايله او الثقيله
وتضربينها بيدك عدة ضربات يعني
حطي حرتك فيها..
وخمريها ساعه او اقل وبتنتفخ معك
حركيها بيدك وابدي في تكويرها ووضعها بالزيت..
وبعد ماتطلعينا حطيها بصحن واسع علشان يثبت شكلها
وماتتعجن معك واذا حبيتي بعدين تحطين شيره او سكر مطحون او عسل
انا افضل العسل اطعم.. وبالهناء والعافيه
اتمنى اني اكون افدتك..
06-09-1430 هـ, 06:01 صباحاً
 
نفس الحاله
مابقت طريقه بالمنتدى ماجربتها تصير قاسيه اول الوقت وعقب خمس دقايق تقول باي باي
06-09-1430 هـ, 06:02 صباحاً
 
حبيبتي نصيحه لكِ ومن تجرررررررررربه اللقيمات لما تطلعينها من الزيت لا تحطينها في صحن بلاستيك ..
حطيها في صحن مسطح ومش بلاستيك عشان تحافظ على قساوتها ولا تلين وتتعرق
06-09-1430 هـ, 06:06 صباحاً
 
نفسك انا وزياده على كذا من جوه عجينه كانها فطاير ما تصير منخله و حلوه و طعمها يجيب المرض زيت
06-09-1430 هـ, 06:46 صباحاً
 


الساعة الآن 02:29 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏