شوفي حبيبتي الهيلتون مره حلو وأفخم شي بس أنه غالي أنا أنصحك تروحي كباين وشاليهات على البحر مثل النورس موفنبيك اللي بنوها وسط البحر صراحه أنا من جده بس يوم شفت وسمعت كلام الناس قررت إني أروحه مدة يومين بس هذي اليومين مرت كأنها ساعتين إش أقولك خيال ومع النادي ياسلاااام ومطعم الثمرات على الفطور والتميس والفول آههههه والعشا مطبق لحم مع الليمون واااااااااااااي ( خرجت من الموضوع ما ألوم نفسي جوعانه)المهم إذا كنتي إنتي وزجك لحالكم خذوا إستيديوا غرفه وحده وصالون ومسبح صغيرون خطيييييير خصوصاً إنه مطل على البحر يعني تسبحي وأنتي تطالعي البحر ومع منظر الغرووووب . وممكن تروحي وتزوريه يركبونك سيارة جولف ويمشونك . من قدي ذاك اليوم
وعندك المريديان جميل كروان بلازا حلو كمان والوستن جميل ........ إلخ

شوفي عيوني عندك هذا الموقع إفتحي على خريطة ودليل جدة بتلاقي كل فنادق ومطاعم ومستشفيات وأسواق جده.
النخبة نت

الكل يقول .. .. .. جده غير

تحيااااااتي
23-04-1425 هـ, 02:53 صباحاً
 
هذا موقع جزيرة النورس (موفنبيك ) في جده من موقع النخبة
http://www.alnokhba.com/maps/jed/backgrounds/2065_4.jpg
أضغطي على كلمة منتجع جزيرة النورس

أصلح لدعايات صح

****لله أكون أفدتك .
23-04-1425 هـ, 03:00 صباحاً
 
شكرااااااااااااا اختى بنت امها وابوها استفدت منك كثير كنت ناويه اروح فندق الحين غيرت وابغى شاليهات

ممكن تعطينى رقم التلفونات حقت الشاليهات اذا ممكن

واشكرك مره اخرى من كل قلبى:24:
23-04-1425 هـ, 12:47 مساءً
 
رقم الهاتف موجود في الموقع اللي فوق النخبة نت أفتحي الموقع إنزلي تحت وروحي على كلمة السكن بعدين شاليهات ورح يفتحلك صفحه مكتوب فيها أحلى شاليهات جده حتلاقي جزيرة النورس وقدامها في زي صورة المكبر أضغطيها .
دوبي أدري إنك من املدينه ماشالله ياحظك أنا رايحة بعد كم يوم المدينه وفندق المدينه هيلتون صراحه أحلى من اللي في جده .

تحياتي لكي بإجازه ممتعه
23-04-1425 هـ, 08:19 مساءً
 
سمعت عن شليهات النورس انها فخمه بس ما جربتها للامانه شوفيها ..
25-04-1425 هـ, 04:16 صباحاً
 


الساعة الآن 02:54 .