طريقة الكبة

كيلو لحم هبرة بدون دهن
كيلو برغل ناعم منقوع و مصفى من الماء
بصلة كبيرة
بهارات مشكلة و ملح و فلفل اسود
تطحن كلها في مفرمة اللحم مرتين و تعجن بالماء البارد ( يعني نص كاسة ماء بارد مش اكتر)
بعدين بنكورها حسب الحجم المطلوب ولازم تضل العجينة و الكرات مغطية بنايلون او منشفة رطبة عشان ما تنشف

الحشوة : بصل مفروم و صنوبر مقلي و لحمة مقلبة مع ملح و فلفل اسود و سماق و ممكن شوية قرفة مطحونة و بهار
وبنعمل حفرة في الكرات لحد ما تصير الطبقة الخارجية رقيقة .. بنحط الحشوة و بنسكر الكرة و بنعملها متل شكل الكبه مدببة من الطرفين
وقت القلي بنسخن الزيت و بعدها بنحط مجموعة قليلة لحدما تتحمر من جميع الجهات
وبس
07-09-1430 هـ, 12:21 مساءً
 
تسلم إيديك يا أحلى دندون
07-09-1430 هـ, 12:37 مساءً
 
ما شاء الله.... سفرتك بتشهي...

الله يخليكي لأهل بيتك...
07-09-1430 هـ, 12:52 مساءً
 
السلام عليكم
ومبارك عليج الشهر وسفره دايمه وبيت عامر
الله يخليك ابا طريقة الدجاج المحشي لو ماعليج امر اختي
وتسلم ايدج
07-09-1430 هـ, 01:48 مساءً
 
اقتباس مشاركة  (شوق 97)
ما شاء الله.... سفرتك بتشهي...

الله يخليكي لأهل بيتك...
تسلمي يا رب


اقتباس مشاركة  (زوجي نصفي الثاني)
السلام عليكم
ومبارك عليج الشهر وسفره دايمه وبيت عامر
الله يخليك ابا طريقة الدجاج المحشي لو ماعليج امر اختي
وتسلم ايدج
الله يبارك فيك و يسلم ايديك

أكيد ولا يهمك ، هي الطريقة

بتجيبي دجاج صغير و بتنظفيه من برا و جوا وتحت الجلد وبتفركيه بالليمون والملح والمي و بتتركيه يتصفى و بعدها بتتبليه بالبهارات المشكلة، الليمون وزيت الزيتون، البابريكا و الملح والسماق و الزعتر الأخضر الناشف والروزماري .. و بتتركيه فترة

الحشوة عبارة عن رز منقوع لنصف ساعة (رز بسمتي) ، لحمة مفرومة مقلبة مع الزيت والبهار والملح لحد ما تستوي ، صنوبر و لوز مقلي .. بعد ما نصفي الرز بنخلطه مع اللحمة واللوز والصنوبر و بهارات مشكلة وملح و بنحشي الدجاج بكمية صغيرة ما نملى الدجاجة كلها..

بقية الرز بنطبخه متل الرز العادي مع مية ومكعب ماجي و بهارات حب..
الدجاج بنرصه في صينية مع مكعبين ماجي و نملاها لنصفها بالمية و بنغطيها بالقصدير و بتنترك بالفرن على حرارة 200 تقريبا لساعة ونصف، وبعدها بنكشف عنها القصدير و بنرجعها للفرن كمان نصف ساعة لتتحمر..

جهزي خلطة للتحمير : قليل من زيت الزيتون أو الزبدة، بابريكا وسماق، ملح وبهار مشكل، بهار اسمه pepper lemon أو أي بهار بتحبيه ، وادهني وجه الدجاج فيه و شغلي الشواية من فوق و حمريه...

وصحتين وعافية
07-09-1430 هـ, 02:20 مساءً
 


الساعة الآن 01:45 .