تسلموا جميعاً على الردود الموضوع صار له سنة تقريبا ويمكن الصور تنحذف


اقتباس مشاركة  (يا رب تغفرلي)
حبيبتي دندووووووش ، كل عام وانتي بألف خير
ماشاءالله تبارك الله طبخك حلو
حبيت اطلب منك 4 أطباق عجبوني وفريت كل الموضوع تصوري العشرين صفحة والله وما حصلتهم
اولا حابة تعطيني طريقة الشيز كيك بالرد رقم 2 الي فوقه صلصة بلوبيري استغربت ما حدا جاب سيرته شكله عذاااااب وهل هو نفس شيز كيك الفراولة الي بالرد رقم 5 ؟
تانياً طريقتك في آيس كريم الفراولة والفانيلا والشكولاتة شكلها جاهز ما شاءالله عليكي
تالتاً بالنسبة للدجاج المشوي الي بالرد الأول هل لما نحطه بالفرن نولع عليه من فوق بس؟ طيب ما راح ينشف من برة ويكون مو مستوي من جوا؟
رابعاً وأخيراً بدي طريقتك في صينية ربيان بالفلفل الملون

معلش كترت عليكي سامحيني بس والله خفت ليكونو موجودين فتحت كل الموضوع وما لقيتهم
انا بالإنتظار
اهلا حبيبتي .. وانت بألف خير ..

التشيز كيك هو نفس الوصفة دايما بس مع تغيير الصوص .. وهاي الوصفة كنت كاتبتها في واحد من ردودي من زمااان ونسختها

الأغراض أول شي باكيت بسكوت دايجستف أحسن شي لانه لما ينطحن بيكون تمام ..
باكيت زبدة و الأفضل من الأصابع هو الباكيتات اللي بتكون متل علبة الفيلادلفيا .. وزنها حوالي 100 غرام انا بجيب نوع اسمه غولدينا طري و زاكي وخفيف..
هادي الطبقة الاولى اللي تحت

الطبقة التانية اللي هي الكيكة ... ظرفين كريمة (بودرة) وكاسة حليب بودرة (حوالي 6-7 ملاعق كبار) و علبة قشطة و 10 حباتكيريو باكيت جلي على ليمون (انتبهي الليمون الاصفر مو اللايم الأخضر) و ظرفكريم كراميل (البودرة من غير الكراميل الاسود) و كاسة مي مذوب فيها معلقتين جيلاتين كبار ..

الطبقة التالتة اي نوع pie filling or topping

القالب المتحرك أكيد أحسن بس لو ما عندك ما في مشكلة ...

هلا الطبقة الاولى اهم شي عشان تزبط انه يكون البسكون مطحون منيييييح .. انا بحطه بكيس بلاستيك قوي شوي و بضل اضرب فيه ضربا مبرحا بمدقة التوم منكل الجوانب و اقلب و اضرب لحتى العن سادس جدوده ... و بعدين خلص بيكفيه

الزبدة ما تكون سائلة ولا تكون جامدة.. لازم تتركيها فترة بحرارة الغرفةبحيث لما تمسكيها يكون قوامها متل اللبنة تقريبا ... هلا بتحطي البسكوت فياي وعاء و بتاخدي شوي من الزبدة وبتفركي فيها البسكوت و ما تخلي الزبدةمكتله ضلي افركي البسكوت لحد ما تختفي الزبدة... و بعدين خدي كمان كميةزبدة و ضلي افركي البسكوت الناشف الي ما فركتيه من قبل .. و هيك لحتى تخلصالزبدة لازم يكون كل البسكوت انفرك فيها و صار رطب .. فيك تزيدي الزبدة لوحسيتي لسه ناشف . و بعدين رصي البسكوت منيييييح منيح بالصينية ... وهايالطبقة الاولى خلصت

الطبقة التانية -- قبل ما تبدي بالشغل جيبي كاسة مية تقريبا 200 مل و اغليها و بس تطفيعليها حطي الجيلاتين البودرة او اذا بتستعملي شرايح . و على طول ذوبيه منيحمنيييييح و اتركيه يبرد
بعدين بتحطي كل المكونات اللي كبتها فوق مع بعض .. و في ناس بيحطوا حليبنستله المكثف المحلى بس انا ما بحطه بيزيد حلاتها كتير ..

و فوقهم بتضيفي كاسة المي والجيلاتين بعد ما بردت او على الاقل صارت فاترة
و بالخلاط اول شي دقيقة على سرعة واطية بعدين 3 دقايق على سرعة متوسطة ... وبعدين بتصبي الخلطة فوق البسكوت و بتوزيعها منيح . و لو ذقتيها حلو بتعرفيشو ناقصها
بتحطيها بالتلاجة لحد وقت التقديم .. و قبل ما تقدميها بتحطي الطبقةالتالتة فوقها ... و لما تقطعيها تأكدي ان السكين وصلت لطبقة البسكوت وقسمتيها مع الكيك عشان ما تفلت ... و هي ازكى طبقة عندي البسكوت بالزبدةيمييي

صح الطريقة شكلها طويلة بس انا شرحت لك كل الشغلات اللي كانت تسبب خرابهامعي ... خاصة الخلط على البطئ والسريع و طبقة البسكوت و الجيلاتين ...
كمان شغلة .. مع الجيلاتين بهالكمية فيك تقدميها لو بعد ساعتين يعني مولازم لتاني يوم ... بس انت بيبان معك لما تصبيها بالقالب قديش كثافتها .. كل ما كانت ثقيلة اكتر بتتماسك أسرع
و بعد ما تقطعي منها و ترجعيها على التلاجة تأكدي انك تغطيها لانها بتنشف ..

أزكى نوع جربته للطبقة اللي فوق البلوبيري ماركة mother's maid كتير خفيف و حلاوته معقولة جدا.
فاطر السموات والأرض أنت وليي في الدنيا والآخرة توفني مسلماً وألحقني بالصالحين



أنشطة أسرية متميزة للإجازة - بالصور

[/color][/size]
[/center]
طريقة الآيس كريم (البوظة) - طريقة النسكافية وغيرها

بدك ظرفين كريمة بودرة و بياض أربع بيضات بس يكون ولا نقطة صفار فيه طبعا ، و شوية فانيلا و كاسة حليب بودرة وكاسة نسكافيه سائل بتخلطيهم منيح بخلاط الكيك و بتحطيها بالفريزر لتاني يوم .. طبعا تركيز النسكافيه على زوقك ..
واي نكهة بدك ياها بس غيري كاسة النسكافيه لأي نكهة بدك ياها شرط تكون سائل يعني كاسة عصير فراولة كاسة عصير مانجا كاسة حليب كاسة ليمون كاسة بطيخ


الدجاج المشوي بالفرن لا طبعا بتولعي من تحت على درجة حرارة 200 تقريباً و بعد ما يستوي بس بتولعي من فوق و بتحمري وجهه ..

صينية الربيان

بدك ربيان منظف منيح وفلفل ملون مقطع شرايح وبصل مقطع جوانح وبصل أخضر مفروم
بتتبلي الربيان بزيت زيتون وليمون وبهارات وكمون وملح وبتحطيه في الصينية مع الخضار كلها مع شوية مي لا تكتري، وبتحطي قطعتين زبدة في الصينية وبتشويه في الفرن لمدة نص ساعة تقريبا .. وبيتقدم مع رز أبيض
فاطر السموات والأرض أنت وليي في الدنيا والآخرة توفني مسلماً وألحقني بالصالحين



أنشطة أسرية متميزة للإجازة - بالصور

[/color][/size]
[/center]
يعطيكي الف عافية يا قمر وان شاءالله راح اطبق وأوريكي شغلي
وطبعاً بانتظار عزايم جديدة من إيديكي الحلوة ما شاءالله
lllllll
يارب ترزقني زوج صالح انا واخواتي وذريه مباركه.اميين
ماشاء الله تبارك الله


الساعة الآن 06:28 .