السلام عليكم ورحمة الله وبركاته


خواتي بنات دار بو زايد شلونكم يااحلى خوات

ان شاء الله طيبين ودوم سالمين


مثل ماشفتوا بالعنوان ابي تذكرون لنا شئ تتميزون فيه

او تكون اسعاره حلوه بالمقارنة مع غيركم


انتظركم لاتسفهون ابي اشوف الكرم الاماراتي كيف
اللهم اجمعني بوالدي في الفردوس الاعلى من الجنه..
بنت نجد

أفا عليج بس .. ما طلبتي

أسواق دبي بالجمله واللي بتحصلين فيها أشياء رخيصه و أرخص عن دول الخليج ( والدليل ان كل مره اروح اشوف سعوديين و كويتيين يشترون بالجمله و يشحنون)

وطبعا البضاعه متنوعه:

عطورات و دخون

ملابس نسائيه: جلابيات و شيل ( الطرح)

أواني مطبخ

أدوات مكتبيه


وذا تبين أي شي .. حاضرين للطيبين
هلا وغلا افراح امه


حيا اللله بنت دار ابو زايد


كني اشم ريحة المعتق والمخلط ودهن العود من طلتك

وهذا الي نسمعه عنكم مشهورين بالمخلطات الزينة العربية بس ممكن تقولين لي

ولا عليك امر اماكن وجود الانواع الزينة هناك

وبالنسبة للطرح ااااااه يالطرح

اختي منهبلة على طرحة وحدة اماراتيه وما صار يملا عينها اي طرحة بعدها

مشكوووره يالغلا افراح امه ودربك خضر << كذا صح ؟؟

الف شكر لج
السلام عليكم

اعتقد اخت افراح امة كفت ووفت

بس حبيت اضيف الامارات تشتهر بمشاغل التطريز يعني انت تجيبين القماش وهم يطرزولك بتطريزات روعة يعني اذا

انت قاعدة اسبوعين تحطينهم اول ما تجين وتاخذيهم يوم تروحين
سلالالالالالالام

يامرحبا فيج في الالالالامارات

في محل أسمة الياسات في سوق الحمرية المركزي بدبي يبيع

عطورات ودخون وجلابيات حلوه وعندك بعد مركز ابوهيل كله

طرح أذا كنتي تقصدين (الشيل )


الساعة الآن 06:38 .