غاليتى usha
انا عن نفسى ودى اعلم واتعلم .. صحيح انا مو من الرياض .. بس اذا جيت لاهلى ممكن اجيكم ..
هذى نقطه ..
النقطه الثانيه .. عزيزتى لا تضيقين صدرك .. كل تجربه جديده لازم تواجه صعوبات وتحديات..
وبما انك طموحه وعندك هدف لازم تتحمليييييييييي ييييين كثير ..
بعدين اعتقد الاخوات اللى هينا ( من وجهة نظرى)
مو بحاجه انهم يطلعون من بيتهم .. يعنى النت يخدمهم ..
لكن اللى ماعندها نت .. هى المستفيده الاكبر ..
عشان كيذا لازم تتوجهين لهم .. يعنى المفروض خواتنا اللى معنا يبلغون صديقاتهم وخواتهم وجاراتهم ..
< تحب تتفلسف
تمنياتى لك بالتوفيق .. واى خدمه انا جاهزه
سلام
صراحة المشروع عجبني جدا مشروع خيالي لطالما تمنيت ان يكون لدينا دورات تهتم بمظهر السفرة وليس فقط ماتحوية .. لو كنت بالرياض لكنت اول المتقدمين بالطلب ولكني بالشرقية (قهرررررررررررر) ولكن بما اني بعيدة ولايمكنني مشاركتكم عن قرب اتمنى لو اشارككم عن بعد بافكاراو اقتراحات او صور خصوصا انني من المهوسيين بطريقة تقديم الطبق وتزيينة بقدر اهتمامي بما يحوية ذلك الطبق. يمكنك مراسلتي علىالخاص .
ام محمد بارك الله في كلماتك شجعتيني

اختي لما ما نستغني يا عمري

والي تحب تخدمني من قلبها صدق تعمل لنا دعاية بين اخواتها

بارك الله فيكن
الله يوفقكم ...
أهلاً أختي.. طيب أعلنتم عنها؟
عني في حياتي ما سمعت عن كذا دورة..
لا تيأسين..
الإعلان أهم شي..
ترى لأن الموضوع جديد ما فيه أحد عرف عنه..

حددوا مدة الدورة(بالأيام) ومواعيدها (بالساعات) ورسومها.. ومواضيع منهجها بشكل واضح..
وصمموا إعلان للدورة (ممكن بنات قسم الحاسب والتصاميم يساعدونكم)..
وبعدين أرسليه لي.. أنا أعرف ناس يشتغلون في مجلة ممكن تفيدكم مرة.. وأحاول أقنعهم بإنزال إعلان لكم.. بس أسرعوا قبل الصيف لأن المجلة شهرية.. وعلشان ينزل الإعلان لازم يتجهز قبل شهر من موعد نزول المجلة.. علشان البنات يطلعون عليه قبل الإجازة بإذن الله..

بس هل المردود راح يكون لكم أم للمركز..؟
إذا لكم.. فأحاول قدر الإمكان أوفر الإعلان شبه مجاني لكم..
وإذا للمركز.. أتوقع لازم المركز يدفعون ثمن الإعلان لكن أحاول أخليه مخفض قدر الإمكان..


على فكرة..
أعرف جهة يرغبون في عمل مثل هذه الدورات.. لكن مشوارهم طويل لسا ما جهزوا مكان..

وإذا محتاجين أدوات وغيرها..
ممكن تكتبينها هنا وتأكدي بإذن الله أن الكثير من العضوات راح يساعدونكم فيها..

مثلاً: فرن كهربائي - ميكروويف - مفارش سفرة - طقم ملاعق.. إلخ
وحنا نحاول ننسق ونشوف مين تقدر توفر لكم إيش.. أو تدلكم على أرخص مكان أو عرض للشراء..

والله يوفقكم يا رب..
بس لا تيأسون.. ترى كل المشاريع الناجحة تبدأ بصعوبة..


الساعة الآن 06:40 .