عزيزتي يهددك بولدك قولي هذا ولد ومالك حكم عليه ولو بنوصل المحاكم تراه عند امه ..
لاتخافين وتضعفين هذي صلاة .. ولازم تشاورين احد فاهم وتدعين ربي يهديه

يالله تهدينا وتهدي جميع المسلمين والمسلمات يارب ..

الغلط منج حبيبتي اسمحي لي بس ابي لج الخير

انتي موصله الموضوع للعناد وولدج ومادري شنو الصراحه ابد مو اسلوب

حبيبتي اذا زوجج اخلاقه زينه ومو مقصر معاكم وطيب وحبوب شوفي اتبعي الاتي

الدعاء شي مهم
ادعي له بالهدايه الليل مع النهار
وخفي عنه هاليومين لا تجيبين له طاري واذا رد بليل تكونين حاطه اضاءة خافته ومشغله قران صوت خافت ايضا
وقولي هلا بزوجي حبيبي وزهبي ملابسه واستقبليه بالبخور والعطور وانتبهي اضاءة خافته وصوت قرااان
ولا تجيبين طاري الصلاة ابد ابد ابد

واستمري الين تشوفينه صار طوعج ونفسيته زينه تفرشين له السجادة وتكونين مبخرة ومعطرة وتقولين واانتي لابسه لبس الصلاه حبيبي ودي بطلب بيقول لج امري ان شاء الله
قولي ودي تامني لو مرة بحياتي ياغالي وبوسه على الخد الراس اللي هو مع دميعه يمين ويسار
ونادي العيال وخليه يصلي فيكم لو ركعتين لو شفع ووتر
خلي عياله يقعدونه للصلاة ويقولون له يبه بنصلي بالمسجد وهالسوالف ولما يصلي لميه وضميه قولي الحين الله يبارك لنا بعيالنا وحياتنا يابعد عمري الحين الله يرضى عليك
الله اذا احب عبدا وفقه للخير وهداه الحمد لله الحمد لله

وحاولي كثر ماتقدرين بس انتبهي خليج شاطرة وباسلوب غير مباشر مو يالله قوم صل ماتخاف الله طلقني مايجوز اقعد معاك حكمك حكم الكافر
اصلا هالكلمات لو كان قلبه شوي يرق وبيصلي يتضايق ويعاند ولا تجيبين كلمات سلبيه ابد
ولا تنسين اثر الورود كل وردة فيها كلمه حب اوصلي لقبلبه وبعدين بالحب يسوي كل اللي تبينه وشوي شوي راح يتعلق هو بالصلاه
ولا تجيبين طاري الطلاق ابد ابد بالعكس حني عليه وقولي احبك اموت فيك ومابي الله بغضب عليك ابي الله يرضى عليك وعلينا كلنا تكفى يابو فلان لا تحرمنا البركه ورضا الله

خليك صادقه مع ربك واحسن الظن به وادعيه ليلا نهارا
والزمي الاستغفار فان له اثر عجيييب
انصحيه وذكريه بحك تارك الصلاه
قوليله قصص سوء الخاتمه لمن ترك الصلاه
اهدي له اشرطه00دخلى اي احد قريب منك يتفاهم معه وينصحه
والله يهديه ويحبب الصلاه الى قلبه