حبيبتي
جربي شوربتي وأنا واثقة انج بتنزلين تطبيقك لها قريب
بس ادعي لي بالشفاء وراحة البال

1/2 كوب لجم مفروم-بصلة مفرومة ناعمة جدا-فص ثوم مدقوق مع ربع قرن فلفل أخضر- مكعب ماجي-حبة طماطم مفرومة ناعم جدا-2 ملعقة صلصة طماطم 5 ملاعق كبيرة شوفان- 3:4 أكواب ماء-كزبرة مفرمة ناعم- 2 ملعقة كبير زبدة-1 ملعقة زيت-ملح- فلفل أسود- كركم ربع ملعقة-كمون

سيحي الزبدة مع الزيت وكشني فيها البصل حتى يذبل ثم ضيفي الثوم والفلفل وحركي انص دقيقة ثم اضيفي اللحم المفروم وحركي حتى يتغير لونه ويطلع مويته ونتركه لين تنشف المويه
نضيف البهارات والماجي ونحمس جيدا ثم نضيف الطماطم والصلصة ونحرك حتى تذبل الطماطم

ثم نضيف الماء ونتركه حتى يغلي ثم نخفف النار ونتركه ينضج وتتمازج النكهات

نضيف ملح أذا احتجنا ونضيف الشوفان ونحرك جيدا ونعلي النار بس تغلي نوطي النار بالمرة ونترك الغطاء نص مكشوف وكل شوي نحرك الشوربة حتى لا تلتصق بالجدر ونتركها حتى تثقل وينضج الشوفان
نضيف الكزبرة ونتركها تغلي غلوتين ونطفي عليها ونسكبها في أواني الشوربة وقدميها مع الليمون

وصحة وعافية

وجربيها وردي لي خبر
طريقتى فى شوربة الشوفان..
حبه صغيره بصل مقطع ناعم..يحمس مع شوى زيت +قطع صغيره من اللحم .
نظيف عليه طماطم مطحونه ونتركه شوى لحد ما يتسبك مع التقليب حتى ما يحترق..النقطه هذى هى اللى تعطى طعم
بعد كذا نظيف معجون طماطم ملعقتين ونقلب ونظيف ملح+فلفل اسود +ماجى ابيض0(اجى نو موتو)بعدين نحط عليها ماء.
فى هذى الاثناء اجيب كأس الخلاط واط فيه مويه مع مقدار من الشوفان واخلطه حتى تصير ناعمه وبعدين احطها على القدر اللى فيه اللحمه واحرك واتركها بدون تحريك مع مراقبتها لحد ما تبدأ
تطبخ وبعدين اوطى النار عليها واتركها حتى وقت التقديم
طعمها رائع وناعمه مافيها كلا كيع..

وصحتين
شوفي حبيبتي هذي طريقه سهله مرره ولذيذه في نفس الوقت جربيها وادعيلي المقادير جيبي لحمه بعظم اهم شي وكثريه حطيها بالقدر تكون مغسوله وصبي عليها ماء مغلي يكفي لمرقة الشربه ووولعي النار وابدئي بالاضافات الجايه حطي ورق غار كم حبه وابازير مشكله غير مطحونه فلفل اسود وكمون وكزبره ناشفه ووعود قرفه ومسمار يعني قرننفل بس لا تكثرين كم حبه بس وكم حبه هيل وملعقه كبييره بهارات البصل الصفرا لذيذه مره تلقينها عند العطاروحطي قطعه شيبه اهم شي بس لا تكثرين علشان ما يمرر قطعه ومكعبات ماجي وبصل وثوم بقشره مقطع وطماط وفلفل رومي نصف حبه وليمون اسود ناشف وملعقه صلصه حمرا كبيره وملح كركبيها على بعض واضغطيها في قدر الضغط لمدة ثلث ساعه لين ماتستوي اللحمه بعدين طلعي اللحمه في صينينيه وصفي المرقه في قرر ثاني في مصفى وحري اللي يبقى في المصفى بالملعقه علشان تنزل في المرقه الخضار المهروسه والبهارات لازم تنزل مع المرقه ولا يبقى الا البهارات الغير مطحونه والعظم والاشياء اللي مما تنزل من المصفى ان شاء الله تكوني فهمتي ايش اقصد يعني بعد ما تصفين المرقه حركي اللي في المصفى بالملعقه لين ينزل زي اكل الطفال مهروس على نفس المرقه بعدين اطحني شوفان وحطيه على المرقه واطبخيها على النار وحركيه واضيفي حليب سائل واطبخي لين ما يزبط الشوفان بعدين اضيفي لبن شرب اوزبادي براحتك وحركيه وخلاص تطلع مره لذيذه بسبب اللحمه والشيبه والبهارات والحليب واللبن لا تخافين من طول الشرح بس في التطبيق مرره سهل كله خربطه بعدين تصفينها وترجعين تطبخينها في قدر ثاني مع الاضافات جربيها وقوليلي رايك
سبحان الله وبحمده سبحان الله العظيم
ولا تنسين ترجعين اللحمه في الاخير تطبخ في الشربه
سبحان الله وبحمده سبحان الله العظيم
وبعدين وطي النار عليها لمدة ربع ساعه اواقل
سبحان الله وبحمده سبحان الله العظيم


الساعة الآن 04:51 .