بعد التحيه و السلام
انا جدااااااااااا محبطه من زوجي واهل زوجي وسلفاتي كل ماطبخ شي مايطلع مثل اكل خالتي ام زوجي مع انه اكلي مره لذيذ بس زوجي مدمن على اكل امه ودايم يسكتني ياكل شوي وبعد صلاة التراويح يروح يكمل فطوره في بيت اهله
سويت كل الطبخات اللي في عالم حواء ولا نفع معاه ابيه يجلس بالبيت
مشكلته الاكل مايحب الا اكل امه حتى صرت اكذب عليه اي شي اسويه اقوله اخذت طريقته من خالتي عشان يشتهيه واول مايسمع كلمة خالتي يطب في الاكل طب
ولا اليوم راح اهله وقالي انه ذاق شاورما يمممممممم يممممممم وش اقولكم بس يقول ان زوجة اخوه اللي مسويتها ومرره لذيذه وياحظ اخوي فيها عشان كذا سامن اخوي من ذا الاكل اللي تأكله زوجته مالت علي انا عايش في مجاعه مرره عصبت عليه وقلتله رح الامك تأكلك انت هذا اللي تفكر فيه بس تملى بطنك وبعدين انا ما القا منك تشجيع ودعم عشان اتشجع واطبخ
عاد هو اسكت ومارد ولا بكلمه ونتهت السالفه
اللي ابيه منكم ابي كتاب فيه طبخات غريبه وحلوه ثاني شي اي وحده عندها رقم حرمه تطبخ وتوصل للبيوت تعطيني اياه الله لا يهينها لاني ابي اغير ..
وماطول عليكم مع السلامه
10-09-1430 هـ, 07:17 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله الله يعينك
ترا في ناس كثير كذا يحبون اكل الناس الي بره واهله ومايحب اكل زوجته مو بس انتي
حتى لو مويه وسكر قال الله طعمه مره حلوه ولذيذ مو زي الي تسوي زوجتي
بس يمكن امه كمان شكلها طباخه
تعرفين باين كمان انه طبخك زين مو شين بالدليل انك لمن تقولين انك اخذتي الاكله من خالتك ياكلها يعني المشكله نفسيه من جوه
يعني المشكله في زوجك مو فيك علشان تدورين احد يطبخ
الله يعينك
ويارب تتوفقي بالي يساعدك
حبيت ارفع لك الموضوع واقرر معك شوي واقول ترا المشكله فيه مو في طبخك
10-09-1430 هـ, 07:22 صباحاً
 
انا اتوقع ان زوجي نفسيا يحب اي اكل من برى حتى اتذكر انه مره رحت الاهلي وسويت السحور في بيت اهلي لانه ممداني اسويه في بيتي وكذبت عليه قلت انه امي اللي مسويته وربي *** الصحن *** ..
10-09-1430 هـ, 07:39 صباحاً
 
والله ماله داي تشترين من وحده دام طبخك حلو ماعليك اختي خليك واثقه

واي اكله تبينها اكتبي اسمهاا وابشري

عندي طريقه شاورما ايرانيه رووووووووعه اذا تبينها كتبتها لك

وفيه انصاف القمر
انتبهي تشنرين من ند وحده خليك واثقه من نفسك واطبخي مصيره يرجع لطبخك
10-09-1430 هـ, 07:55 صباحاً
 
ياعيوني لاتشترين من احد لانك اصلاً بتتعبين ومصيرك بترجعين تطبخين انتي

اشتري كتاب طبخ وابدعي له كل يوم شكل حنى لو مااكل كلي انتي وارسلي

لخالتك (كفايه اخاف اقول كلام مالو داعي)الله يعينك من جد مشكله نفسيه

لاتكذبين عليه تقولين من عند امك والا اختك خليه على راحته انتي اطبخي

لك ولعيالك اذا عندك عيال وهو اذا جاع مرده ياكل
10-09-1430 هـ, 08:11 صباحاً
 


الساعة الآن 10:47 .