اخواتي أنا قررت بعد التوكل على الله الدخول لعالم الأسهم والشراء والبيع فيها
لكن بصراحه ما اعرف وش اسوي اصلا من البدايه يعني كيف اسجل في تداول الراجحي وكيف افتح لي محفظه علما إن الموظف يقول أن عندي محفظه لأنه سبق لي الإكتتاب بس كيف اوصل لها وكيف اتعامل معاها واذا صار فيها فلوس كيف احولها للحساب الجاري
كيف اختار اسهم معينه وكيف اشتري وابيع
وكم المبلغ اللي اقدر ابدأ فيه
غالياتي اتمنى منكم شرح مبسط وسهل واذا صار فيه صور لمزيد من الفهم
لاحرمكم الله الأجر والمثوبه
ودمتم بود

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طيب اختي كيف هذي الشغلة وما هو حكمها شرعا
طيب اختي مس وش الضمان منهم؟
ان شاء الله بعد سنتين أخلص دراستي وأجي أعلمك أبشري من عيوني
اخترت تخصص بالجامعه يهتم بالاسهم والبنوك
ادعووووووولي الله يوفقني ويعينني
الله يصبرني ويعوضني خير .. رب هب لي من لدنك ذريه طيبة انك سميع الدعاء
الاخت غيوم عطشانة .. اولا عسى الله يوفقك ويحقق لك احلامك. لكن يبدو انك محتاجة تتعلمي من الالف للياء وهذا صعب بالنت.
يبيلك احد من الاخوات او صديقاتك تعطيكي الاسس او من خلال التصفح في موقع تداول.
عليك بمعرفة معنى >> القيمة الدفترية ,, والقيمة الاسمية ,, والهاي السنوي ,, والهاي اليومي ,, ومكررات الربحية ,, والمحفزات ,, ومعرفة نفسية مضارب السهم وكيفية تعامله مع السهم ,, وحكم الشرع في السهم المشترى ,, وهل السهم سهم عوائد ام لا ,, وهل له اي خطط توسعية ,, ومكررات السوق , وعليك فهم اوقات ركود السوق مثل رمضان وقبل اعلان النتائج والحركة العالمية للاسهم وتأثيرها كالسوق الامريكي مثلا ,, وفهمك للشركة وعملها... الخ

طبعا ماذكرته اعلاه كلام كثير وهناك المزيد , إلا اني اريد ان اطمنك ان حوالي تسعين في المائة من المتداولين عندهم المعلومات اللي تمشيهم ومشي حالك .

هنا أبي أنبهك إن السوق السعودي ولاسباب كثيرة لايتسع الوقت لذكرها لايمشي لابتحليل ولابكشفية....هههه..قصدي مايمشي بالتحليلات, يعني كم واحد من الهوامير يتفقو ويلعبون على الناس ينزلوه ويرعبو الناس وبعدين بعد مايشتروها هم يبيعونها علينا بالعالي والعكس صحيح ايضا.

ومااخفيك انا ابي ارجع للسوق من ثاني , (طبعا كوسيط فقط كالسابق, يعني ماهي لي ) بس بعد مااشوف وأتكد من كلام اوباما اللي كله كذب في كذب وتطمين , المتفتح ذهنيا وبمنطق الاقتصاد العالمي الفعلي مو مجرد درسها ومو فاهمها مايصدقه الا اذا يطبل مع المطبلين .. لذلك اشوف والله اعلم اذا كان هناك من رجعة( واقول اذا كان) فاعتقد في الربع الرابع من هذه السنة .

رح اقولك معلومة وخلي كلام اوباما واعوانه ومن يصدقونه على جنب شوي.. الاقتصاد الامريكي والاوروبي واليباني كلهم في حالة يرثى لها والبطالة في تزايد ..وهذه الايام يقولو ان الاقتصاد في تحسن لكن سينكشفو بأنها كانت نتيجة المبالغ اللي دفعوها ورشوها في السوق وبس جات نتيجة طبع لفلوسهم يعني ضعف الدولار ... يعني لاتحسن ولا شي.


سوال يطرح نفسه وش دخل الكلام ذا في موضوعنا؟... اقولك >>> انكماش الاقتصاد الامريكي والاوروبي يتبعها تراجع في الاقتصاد العالمي ككل وكل دولة وحجم ارتباطها به وبالتالي يتأثر سعر البترول ومن ثم ايرادات الدولة وعندها يبدأ هذا بالتأثير النفسي وغيره على المتداولين واستغلال الهوامير لذلك .

[b]الجميل في هذا الموضوع [/B]( خلينا نفرحك بكم معلومة بعد ماغثيناكي معنا شوي معليش ..ههههه..الله يعينك) ,,بمجرد ظهور بوادر حقيقية للاقتصاد العالمي فإن الاسهم سيكون لها رجوع قوي والعقارات ايضا وستتبعها اشياء اخرى, ولكن دعونا ننتظر اخر كذبة لامريكا واعلامها الناجح في تزويق خدع السوق وبفنيات عالية, رغم تصكير 6 بنوك مؤخرا قبل شهرين تقريبا فقط هذه غير البنوك السابقة طبعا.

عموما النصيحة اللي اقدر انصحك فيها وتغامري وانتي مرتاحة .( قال وانتي مرتاحة ..ماخليت فيها راحة بعد الكلام الدبش اللي قلته ..هههههههههه)..معليش تحمليني .. لفأنصحك بالدخول ب30% من المبلغ فإذا ارتفع بيعي ولك الربح , وإذا نزل فعندك مجال تشتري وتعدلي بالسعر ب 30% ثاني , وال30% الاخيرة هذه تكون للمحاولة الاخيرة فقط و****لله ماتحتاجينها.


موضوع شراء العملات الاجنبية ارجو ان لاتستعجلي فيها ..لان حسب علمي النضام المتبع فيها بشراء نسبة المخاطرة وهي شراء لايجوز في الاسلام لانه ليس شراء حقيقي .


دلوعة جدة ,, تخصصك حلو , ومبروك مقدما وبانتظارك بدل الفوزان . . ..أما الفوزان من اولها!!!

اسف على الاطالة ولكن حبيت اعطيك قد مااقدر في عجالة ... اهم شي تتعلمي ظبط الاعصاب ويكون ربحك مو لازم سريع لانك بتدخلي في وقت يبي له شوي هدوء.

وعسى الله يوفقك .

أخوك / أبعاد الزمان ,,,


الساعة الآن 09:21 .