تحضير الزبادي بالبيت طريقة سهلة جدا وما تكلف أبدا ومشهورة بعوايلنا وبصراحة كنت أحسب الكل يعرفها لكن لاحضت وأنا أتسوق للبيت ناس كثير يشتروون الزبادي بالحبة وبكميات كبيرة فعرفت أنه في ناس كثير تجهلها
فحبيت أني أكتبلكم الطريقه عشان ألي ما تعرف تستفيد وتوفر على نفسها الكثيير



المقادير:
2 كأس حليب بودرة ..وأنا دايم أستخدم نيدو لأنه أطعم شيء
5 كأس ماء معتدل الحرارة
2 ملعقة زبادي(متماسك مو مخفوق) مزبورة حيل يعني تقريبا ثلثي علبة الزبادي الصغيرة



الطريقه:
نخلط الحليب مع الماء زين ونحطه على النار ألى أن يفور بعدها نرفعه عن النار
نترك الحليب حتى يفتر ويصير دافيء لكن يميل قليلا للحرارة (أهم شيء بالزبادي درجة حرارة الحليب يعني لو كان الحليب حارجدا أو بارد ما راح يضبط معك الزبادي )
نخفق الزبادي ونذوبه بحليب بارد عشان ما يتكتل
نخلط الزبادي المخفوق مع الحليب الفاتر ونحطه بعلبه كبيرة بلاستيكية أو زجاجية يكون لها غطا
نغطي العلبة ببطانيه مطبوقة (الهدف منها إن الحليب يبقى دافي وما يبرد )ونخليه على جنب لمدة 4 إلى 6 ساعات ما تشيلين منه الغطا
بعدها أفتحي العلبة وشوفي إذا هو جامد معناها ضبط معاك لاتاخذين شيء منه حطيه بالثلاجه لما يبرد زين عشان يتماسك أكثر
وبالهنا والعافية عليك


ملاحظات:
1 -إذا ما لقيتيه جامد معناها إن درجة حرارة الحليب ماهي مناسبة إما باردة أو حارة
2 -ممكن تتركينه أكثر من 6 ساعات يعني تسوينه بالليل قبل ما تنامين وتصحين تلقينة جاهز
3- إذا حبيتيه أكثر حموضة زيدي كمية الزبادي وحطي علبة كاملة
4 - ممكن تحطين 6 أكواب ماء بدال الخمسة لكن أنا أحس الخمسة أطعم لأني كنت أسوي الزبادي بدون مقادير معينة وكل مرة أجرب شكل لكن أحلى شيء سويته المقادير ألي كتبتها لكم حتى في ناس ذاقوة يحلفون أحلى من الجاهز


ياله عاد جربوة وطمنوني ضبط معكم ولا لا

بتصدقين من مدة كنت اريد الطريقة هاي وانا اشكرج وايد وايد على ها الطريقة
مشكورة الغالية.. وأنا أقرا الرد أقول ليش هالحوسة.. أشتري جاهز وأفك عمري بس بعدين لقيت انج كاتبة أحلى من الجاهز..

طيب ان شالله بحاول أجربه.. لاكن سؤالي.. كم المدة اللي أقدر أحفظه فيها بالثلاجة؟؟

ومشكورة مقدما عالرد..

العفو إخت شويخ 2005
أنا ألي أشكرك على مرورك وردك علينا
وأنتو صراحة غالين علينا وتستاهلون كل خير

بس ها طمنيني إذا ضبط معاك
أهلين أخت المسافرة أنتي ألي مشكورة على الرد ...

ولاتخافين ترى الكلام كثير لكن الطريقة سهلة مرة
كلهاحليب تخلطين معاه زبادي بس أهم شيء يكون دافيء ويحافظ على دفئه

وبعدين هذه الطريقه توفر عليك كثير وما تنقلين هم الزبادي دايم بالثلاجه خصوصا إذاكنتي تستهلكينه بكثرة
أو كانت عيلتك كبيرة وما تلحقين بالحبة

وبالنسبة لسؤالك تقريبا يقعد 4 إلى 5 أيام ويمكن أكثر ..ما دام طعمه ما تغير معناها ممكن تاكلينه

لاتنسين إذا جربتيه خبريني ..عشان إذا شفت تجاوب بعلمكم على طريقة اللبنه بعد ..


الساعة الآن 05:05 .