أهلين بحبيباتي فديتك و rim alcham ما تتصورون وش كبر فرحتي لما قريت ردودكم لاعدمتكم رفعتو معنوياتي مع إني فقدت الأمل إن أحد يجربه .... ولعيونكم بكتب طريقة اللبنه

البنه طريقتها سهله جدا جدا ..هي عبارة عن زبادي تصفينة من مويته ..وتضيفين له الملح وزيت الزيتون فقط لاغير

أدري بتقولين لي ألحين كيف أصفيه من مويته ؟
أنا بعلمك كيف !
تجيبين قطعة قماش سميكه ونظيفه وخالية من الألوان والأصباغ وتخيطينها على شكل كيس .... وتحطين داخلها الكميه ألي تبينها من الزبادي وتربطينه من الأعلى وتعلقينه بأي مكان بالمطبخ ...وتتركينها فترة طبعا المويه راح تنزل من القماش ( حطي صينيه تحته عشان ما يوسخ المطبخ) وأنتي كل فترة أفتحي القماش وشوفي ألي داخله إذا صار شكله مثل اللبنه طلعيه وحطي عليه ملح حسب الرغبه ولما تقدمينه صبي فوقه زيت زيتون ..وبالهنا والعافيه

وإذا كنتي تبغين كميه كبيرة تحتفظين فيها فترة طوويييييييلة بالثلاجه لاتطلعين اللبنه من القماش إلا إذا صارت جامدة بحيث ممكن تتكور ...وكوريها بعد ما تملحينها.. وحطيها بعلبة وصبي فوقها زيت زيتون وخلي الزيت دائما يغطي اللبنه وحطي العلبة بالثلاجة وكل ماإشتهيتي خوذي منها كولي وإذا نقص الزيت زيديه عشان ما تفسد اللبنة من الهوا

وبالهنا والعافيه على قلوبكم ...

على فكرة نسيت أقولكم قطعة القماش إذا إنتهيتي منها غسليها على طول وحطيها بالفريزر

وممكن للي ما عندها قماش تستخدم ورق ترشيح بس هذة الطريقة ما جربتها شفتها بالتلفزيون من طباخة أجنبية ..لفت ورق الترشيح على شكل قمع مغلق يعني ماله فتحه من الجهه الضيقه (صار شكله مثل الهرم ) وثبتته بلزق...... ودخلت راس القمع بكأس كبير والفتحة الكبيرة للأعلى وحطت الزبادي داخل القمع وصارت المويه تنفذ من القمع ( المصنوع من ورق الترشيح ) وتتجمع داخل الكأس واللبنه فوق الكأس أتمنى إنكم فهمتو الشرح لأن الطريقه سهله لكن شرحها صعب ..
أتمنى إني أفدتكم ..وشكرا

راح نجربه ولك شكرنا
المها
جزاك الله كل خير وان شاء الله رح جربها وربي يجزيك كل خير يا احلى
وهذه لك مني

أهلين فيه أمل جربيه وطمنينا مو تنسينا

مرحبا rim alcham ياله عاد جربي اللبنه وطمنينا بصراحه تستاهلين ألي يعلمك بكل شي أنتي وفديتك لأنكم مو عجازات بصراحه سنعات
إن شاء الله تضبط معك وأسمع الدعوات الحلوة منك يارب


الساعة الآن 07:20 .