السلام عليكم ورحمة الله وبركاته

سبحان الله وبحمده سبحان الله العظيم اللهم صل على محمد وعلى اله وصحبه وسلم

حواءاتي العزيزات ابقولكم سالفتي مع ولد اخوي وابي اراءكم واقتراحاتكم

ولد اخوي عبدالله شاب صغير عمره 13 سنة هالشاب هذا حبوب ويموت على شي اسمه مطبخ "ماشاء الله "

جا مرة ونام عندي قبل سنتين واشتهى اندومي وقال لي عمة انا مشتهي اندومي قلت للشغالة سوي لهم اندومي

قالي انتم كيف تسوونها .. قلت نسلقها ونلهفها

قال لا انا اسويها على شكل بيتزا انا طارت اعيوني قلت ماشاء الله عليك انت تسويها بنفسك قال ايه

قلت يلا رح للمطبخ وعلم الشغالة كيف تسويها الولد ماكذب خبر راح يركض على المطبخ وحاس مرير الشغالة

لما انتج طبق لذيذ مرة ورائع جدا من الاندومي ...

وقعد يحكي لي وش يعرف يطبخ وش مايحب يطبخ حسيت ان الولد موهبة بالطبخ

ولاني لمحت فيه صفة مهمة لازم تكون في كل شيف

قلت له.............

انت تصلح شيف ولازم تصير شيف مشهور بالعالم ...

مرت الايام وانا ناسية سالفة عبودي ""هو اسمه عبدالله""

ورحت البارح لاهلي وكنت مسوية طبق وجايبته معي قال لي عمة ودي تعلميني الطبخ

انا صرت كذا

وكان الولد جاد جدا وعرفت ان الولد ناوي يصير شيف عالمي

والدليل انه يبيني انا بالذات اعلمه الطبخ احم احم

عاد ما احب ارد طلب لاحد فقلت له ابشر ان شاء الله

ولاننا شعب نحب نتبنى المواهب الصاعدة حبيت اسالكم هل اعلمه انا بنفسي

ولا اعطيه كتب طبخ

ولا فيه معاهد تعليم طبخ ... انا احترت ومن جد ودي اتبنى موهبته .

يلا ياحواءاتنا الفزوعات نوروني باراءكم السديدة
12-09-1430 هـ, 01:21 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ماشاء الله تبارك الله

خليه يسجل هنا ونشوف ابداعاته ويعلم ويتعلم
12-09-1430 هـ, 01:43 مساءً
 
ماشاء الله عليه الله يحفظه
خليه يجي عندك يوم وعلميه الاشياء الاساسيه
ولاتنسين تصورين طبخه وتحطينه بعالم حواء
12-09-1430 هـ, 01:46 مساءً
 
خليه يسجل هنا ويتعلم من مبدعات حواااااااااء
12-09-1430 هـ, 01:58 مساءً
 
الله يحفظه ياااااارب

خليه يسجل بالمنتدى وماراح نقصر معه

و اكيد راح يلقى تشجيع اكبر

ومساعده من شيفات المنتدى
12-09-1430 هـ, 01:59 مساءً
 


الساعة الآن 07:31 .