Analysis Services
  • «
  • <
  • 1
  • 2
  • »
اب
13-09-1430 هـ, 03:09 صباحاً
 
أهلين أختي رولا حمد عندي لك هاذي الطريقةإن شا الله تعجبك .. تراها مرررررررررررة حلوة .... سويها وماراح تندمين

1/ قطعي : بطاطس + باذنجان + جزر = مكعبان صغيرة كبر ظفر اليد ، وبعدين أقليهم بالزيت وحطيهم بالصينية ( الكمية على حسب صينيتك )
2/ أسلقي صدور دجاج وبعدين سلتي الدجاج= يعني تسحبين الدجاج بيدك مثل الخيوط ، وبعدين احمسيه بالبصل والفليفلة شرايح مع البهارات ، وإذا استوا الدجاج حطيه فوق الخضار المقلية بالزيت
3/ أخلطي جبن + قشطة = لكل علبة قشطة ملعقتين جبن ( الكمية على حسب صينيتك )
أنا أستخدم قشطة كي دي دي مع جبن كرافت ملعقتين
4/ دخليها بالفرن عشان تحمرينها من فوق بس ، أما تحت مايحتاج تحمير لن الخضار مستوية



سويها صينية كبيرة عشان تكفي
13-09-1430 هـ, 03:35 صباحاً
 
وهاذي ثانية لعيونك . . .

1/صفي بالصينية بريد ( البعض يسميه توست ) منزوع الحواف وأمسحي عليه جبن وقشطة ( مسح فقط) يعني لا تكثرين
2/ أحمسي صدور دجاج مقطع مكعبات صغيرة ( أي حمسة على طريقتك ) وبعدين حطيه فوق التوست
3/ وحطي فوق الدجاج شرايح جبن اللي تجي شرايح مربعة أو جبن مبشور
4/ صفي فوق الجبن توست مرة ثانية
5/ صبي فوق التوست جبن وقشطة=المقدار على حسب صينيتك) ( ولكل قشطة ملعقتي جبن )

ملاحظة = كمية الجبن والقشطة حطي كمية كبيرة مثل الباشميل لأنها مع حرارة الفرن راح يتشربها التوست


هاذي الصينية طبقات = كل حين حطي حاجة

( تراهم حلوين مرة =أطباقي المميزة )


حمريها بالفرن من فوق بس من تحت مايحتاج لأن التوست مستوي من الأصل
13-09-1430 هـ, 03:48 صباحاً
 
الله يعينكم من جد
شوفي اختي مثل ماقالت لك الاخت ميمونة
وحاولي تصلحين دجاج بالفرن يعني قطعي لك دجاج حسب العدد اللي تبينه وتبليه
كل دجاجة بالخلاط علبة زبادي وملح وفلفل اسود وكمون وزنجبيل وثوم وبهارات وصوص صويا
ثم اخلطيه بالخلاط وحطيه على الدجاج وقلبيهم فيه خلي كل الدجاج يجيه من الخلطة وثم قطعي بصينية بصل شرايح
وان بغيتي بطاطس وكوسة شرايح بعد ثم صفي الدجاج عليهم وحطي بالصينية شوية زيت وقصدري الصينية ودخليها الفرن من تحت
خليها نصف ساعه ثم شيلي القصدير وخليها لين تستوي ثم ولعي عليها من فوق للتحمير
جربيها من جد روووعه وصلحي معها حمص ..

او اعجني عجينة وصلحي منها صياني بيتزا ...
او صلحي صينية رز ..
13-09-1430 هـ, 04:55 صباحاً
 
سوي للفطور لقيمات داعية للخير تضبط من اول مرة انا ميح بالطبخ ونفعت معي
13-09-1430 هـ, 05:14 صباحاً
 


الساعة الآن 02:19 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏