اذا شوربتك حب لاتحطي بصل بتاتا البته

انا لي سنين اسوي شوربه جريش بدون بصل والكل تعجبه شوربتي

وهي اني اسلق الحب ساعه تقريبا واخليها تطبخ واضيف لها اللحم وبعدين الماجي والبهار الكبار والمطحون

واخليهم على نار هاديه لين مايذبل الحب وبعد ساعه ونص اضيف الصلصه واخليها تطبخ بعد ساعه

واهم شي تغطي القدر وتقصرين عليه عشان تتسبك صح وماتتكون طبقه على الوجه

والحمدلله شوربتي ضابطه بدونه لان لاعيالي ولازوجي يحبون البصل

اما الكبسه يعتمد على نوع الرز خليك على الوليمه ممتاز ونقعيه نص ساعه بشوي ماء مو تغرقينه طبعا بعد الغسل

واذا كبيتي الرز لايكون المرق كثير خليه اكثر من الرز بسنتمتر واحد وخليه ينبر لين ماتحسينه نشف ووطي النار عليه

واهم شي اذا شفتي حبة الرز بعد النقع نصها ابيض معناته مضبوط ويكفيه نقع اما اذا حبته كلها بيضا معناته بيعجن وقللي مويت

مرقه اللحم واما اذا حبته مازالت صفرا معناته يبيله مرق اكثر انتي غسليه مررره ونظفيه بعدين شيلي عنه المويه

وخليه على جنب ساعه وبعدين كبيه او نقعيه بشوي مويه نص ساعه او اقل يكفي

كبت الرز هي الي تحكم اذا رزك بيضبط او لا فانتي انتبهي لكل نقطه قلتها لك وان شالله يضبط معك ياقلبي

ياما مرينا بهالمواقف والحمدلله مانتعلم الا من غلطاتنا وبالتوفيق
15-09-1430 هـ, 02:51 صباحاً
 
وي ياقلبي .....مو مصدقه
يارب ياكريم ارزق كل وحده ردت علي باللي تتمنى و اكثر.......
و وفقها مع زوجها ويسر امورهم واحفظهم وعيالهم واهلهم.....
وابعد عنهم الوباء المنتشر .....



ان شاء الله باطبق اللي تقولونه
والظاهر اني اليوم فعلا كثرت بصل باجرب الفرامه ....رغم اني افرمه بس يمكن مو كفايه
لان فرامتي مولينكس 220 وانا استخدمها على 110
وباجرب اني اشخله <<< مررره عجبتني هذه رغم انها شغله بس اريح للبال

بالنسبه للي يخلطون البصل مع الطماط بالفرامه ...ماتتغير النكهه؟؟؟



اماااااااااا الرز فهذي لحاله حكاااااااااايه

ابي الرز يكون نثري مو لين مثل حق العيايز

وانتبهت الحين ....فعلا انا احط ماي فوق الرز بمقدا اقل من نص صبع....يعني ما اشوف الرز
>>>> قالو لي كذه
باجرب اقلل المره الجايه ان شاااااااااااء الله.....
باحط نص سم فوق الرز .....او ملئ مغرفه وحده ....اعتقد سيم سيم

وبانقع الرز ربع ساعه بماء الولف الدافي ...طبعا دافئ غصبن عني بسبب الجو

بس المشكله في المده اللي اخليه وهو مسكر .... او يمكن استعجل عليه واسكره؟؟؟؟
هل لاااااازم ينشف الماي عدل واخليه يكمل استواء بالبخار
ولا بس لما اشوف الحفر اسكر الغطا ويكون فيه شوي مااااي بالقاع <<<< انا اسوي كذه

وطبعا انا مااصبر احرك الرز....اليوم مسكت يدي وماحركته حسيت الرز احسن بس يميل لليونه
سال زوجي قلت له كأن طبختي للرز اليوم زينه متحسنه .... قال ماتغير نفسه <<<<< تحطيم

وطبعا رزي المهيدب وماااااااقدر اغيره....وجربت مررره الوليمه ماعجبني ريييييحته غنم



يعطيكم العافيه ....ماقصرتو ....كلكم بلاااا استثناء افدتوني
واخذت كلامكم بالحرف


وبارجع لكم بمزيد من الاساله ....
بس مو بكره ....ماراح اسوي رز ابي ارتاح نفسيا بعيد عن الرز
15-09-1430 هـ, 03:08 صباحاً
 
والله ياقصيميه ....كل شئ قلتيه كنت اسوي عكسه
كنت انقع الرز بماي كثير
واخليه لين تصير حبته بيييييييضا
واحط اكثر من سم فوق الرز

بس شنهو ( كبت الرز ) مافهمتها يعني اسكره عدل ؟؟
15-09-1430 هـ, 03:15 صباحاً
 
ماقصرو البنات الله يعطيهم العافيه

وان شالله تطلعين اطلق طباخه بالرز والشوربه ولايحب ياكلهم الا من يدينك
15-09-1430 هـ, 03:52 صباحاً
 
اقتباس مشاركة  (آهات غربة)
احسن طريقة انك تصفين المرق قبل تحطين الشوفان
وبالنسبة للرز لا تكثرين تنقيعه
يعني اغسليه وحطي موية على قد الرز وخليه نص ساعة بالكثير اكثر من كذا ماراح يصير نثري
وقبل لاتحطين المرق على الرز حطي شوية زيت وقلبي الرز على النار في القدر ثم صبي المرق ولاتكثرين غطي الرز وزيدي علية ملء مغرفة وحدة بس وخلي النار عالية لمدة 5 دقايق وبعدين قصري النار وراح يطلع باذن الله رز نثري
15-09-1430 هـ, 04:05 صباحاً
 


الساعة الآن 05:03 .