Analysis Services
انا طريقتي في الشوربه اشوح البصل مع شوي ثوم ومعجون طماطم وطماط وحبة جزر مقطع وبهارات مطحونه حقت الشوربه واتركه شوي على نار واطيه وازود شوي مويه عشان يلين ثم اخلطه بالخلاط وبعدين احط اللحم بالقدر يتشوح ثم احط عليه الخلطه وازود مويه واحط الشوفان واتركه ساعه مع ليمون اسود وعود قرفه تطلع الشوربه تجنن

وبالنسبه للرز اناا اغسله قبل لااطبخ بساعتين وماانقعه بمويه ابد بعد كذا اصفى مرق اللحم او الدجاج واكب الرز المويه تغطيه بشوي تقريبا 2سم مو اكثر وعلي النار لما ينشف ويكون فيه شوي مويه تحت قصري النار بس
15-09-1430 هـ, 06:43 صباحاً
 
بقولكم شئ .....بس لا تضحكون
انا شكيت بنفسي ....ورحت ادور مسطره ولا متر اشوف شكل السانتي
خبري بالسانتي ايام المتوسط....بعدذيك الايام ماشفته كل اتخيله
طبعا مع السننين السانتي طول وكبر خخخخخخخخخ

يعني تقديري كان دبل ونص >>> وجه مستحي

بس والله شوي مو !!! حتى اني ما اقدر اتخيل احط نص سانتي !!!!!!

يالله جاوبوني ..... وبعدي ما قلتو لي اخلي الرز ينشف عدل ويكمل استواء عالبخار
يعني اجيب الملعقه واشوف القاع نشف ولا لأ ؟؟؟؟

احس اني غبيه


--------------------

سؤال اليوم ..........
بس لا احد يضحك ترى الدنيا دواره

شلون انظف الدجاج؟


بتقولون شنو سويت الفتره اللي فاتت!!! عادي من راسي تعلمت الشغله
بس من جد ماشفت السؤال هذا في المنتدى.... طبعا سويت بحث قبل ما احط السؤال

اقصهم اربع وانظف الشئ الاحمر......
طيب الاشياء البيضا.... اشيلها ولا اخليها
انا كنت اشيلها بس قعدت افكر قلت يمكن تعطي طعم ....مو هو الشحم

طيب
وافركهم بالملح والطحين..... حسيت يصير معاي مثل الصابون اذا كان في شوي ماء
طيب احط خل بعد ..... عشان الزفره

وبعد شنو اسوي


ولما اطبخ الدجاج مثل البرياني على نار هااااااديه يطلع دم وعععع
انا اشيل الدجاج وانظف المكان نفسه بالنشاف .... واقعد مقابله القدر مبققه عيوني انتظر يطلع شئ ثاني
اخاف احد يجي يشوف وتلوع شبده من طبخي
15-09-1430 هـ, 12:33 مساءً
 
اقتباس مشاركة  (رفيقه السعاااااده)
حبيبتي حمري البصل كثير لحد مايذبل زييين وقطعيه في الفرامه افضل
والرز زي ماقالت الاخت اللي قبلي لاتكثرين مويه خليها مقدار نصف سانتي فوق الرز
موفقه خير إن شاء الله


صح كلام الاخت
15-09-1430 هـ, 12:51 مساءً
 
عاليتي
ماشاءالله عليك طريقتك في التنظيف كويسه واذا حطيتي الدجاج في القدر غطيه واتركيه حتى يستوي اكيد اول ماتحطينه يطلع فيه دم اجل وش تبغين يطلع ههههههههههههه لا تجلسين تناظرين غطيه وارتاحي اما بالنسبه للشحم ارميه وش تبغين فيه زيادة كرستووول
15-09-1430 هـ, 02:33 مساءً
 
الحمد لله .... رووبه ....يعني تنظيفي للدجاج اوكي
والشحم انا قلت ماادري يمكن يعطي طعم حلو ....قلت اشوف في احد يخليه
بس خلاص ارميه.... اهم شئ الصحه....الله يكفينا شر الكلسترول

بس الدم ....يمكن احد عنده طريقه ...حل ....شئ .....اي شئ دخيل الله يوقفه !!!!!
15-09-1430 هـ, 11:42 مساءً
 


الساعة الآن 02:57 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏