Analysis Services
الشوربه البصل قطعيه صغر مره اوفرامه ترى التقطيع على حسب السكين والرز اذكبيتي الرز قللي الماء بعدين قصري تحت اذ نشفت الماء قصري فوق مره وسلامتك
15-09-1430 هـ, 11:53 مساءً
 
اقصد بكبت الرز الي هي :

نضبط المرقه ونذوق ملحها ونزيدها شوي زيت ونصفيها اذا فيها قطع طماط وبصل

وبعدين نكب الرز المنقع ربع ساعه بمويه دافيه ويكون نص الحبه ابيض ويكون الماء فوق الرز بنص سانتميتر

وتطولين عليه لين تحسين الماء نشف وطلع دوائر بوجه الرز وفقعات بعدها قصريه وغطي عليه ومافي مانع ترمين كم

حبة فلفل تزين الريحه او مثلا كشنة بصل وليمون اسود تعطي ريحه نفاثه تهوس وبعد كذا خليه مغطى

لاتفتحينه ولا تقلبينه خليه تقريبا نص ساعه على نار هاديه وان شالله بيضبط معك

يعني الكبه عندنا بالقصيم هي كيف انك توزنين الرز مع المويه

وعليكم بالعافيه
16-09-1430 هـ, 12:08 صباحاً
 
اناطريقتي اشتري كمية كبيرة طماطم واقطعه كبير واضعة في قدر كبير مع شوي بصل وثوم واتركه حتى ي\بل تماما واطحنة في الفرامة واضعة في اكياس صغيرة في الفريزر واستعمله للشوربة والايدام
16-09-1430 هـ, 12:32 صباحاً
 
الاخوات ماقصروا

انا بالنسبه لى افرم البصل ناعم واحمر اللحمه بعد كذا الطماطم تكون مقشرة واخلطها فى الخلاط مع صلصه وماجى واخليها تطبخ مع اللحمه وبعدها البهارات والليمون الناشف

بعد ماتستوى اللحمه اخلط الشوفان مع قليل من المرق فى الخلاط وهذى النقطه تعلمتها من المنتدى وطلعت روعه تكون الشوربه ناعمه ولا تتكتل
وتطلع الشوربه رهيييييبه

الرز انا اشوف على حسب نوع الرز
كل نوع له طريقه
فيه شىء يبيله ماء واجد ونوع العكس
وطريقة الدجاج صح
طريقتك مضبوطه ولابد انه يطلع دم اول ما تحمسيه
الله يوفقك يارب وتصيرين الشيف ريماس
16-09-1430 هـ, 03:12 صباحاً
 
الله يوفقكم ويعافيكم
ماقصرتوا كلكم
مشكورين حبايبي انتو
17-09-1430 هـ, 02:10 مساءً
 


الساعة الآن 05:32 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏