زي ما انتوا عارفين عندي توئم اولاد الله يصلحهم الحين عمرهم سنة وتسع شهور
ولأن حملت بهم عن طريق الأنابيب فما فكرت اني اخذ مانع والحين الحمدلله حامل لي شهر ونص تقريبا
وفرحانة وبنفس الوقت شايله هم وخايفة
فرحانة لأني حملت طبيعي الحمدلله وكنت شايله هم الأنابيب وشلون اعيدها والي جربوها عارفين
وشايله هم التوئم الي عندي وشلون راح الحق بينهم وبين المولود
وشلون راح اكون لما يكبر بطي ويزيد التعب
وشلون اخليهم مايغارون
انا ساكنة في دور ولا عندي خدامة
اولادي يناامون غرفة لحالهم
مازالوا يستخدمون المصاصة والرضعة بس عند النوم
والبامبرز لين الحين كنت ناوية الصيفية الجاية إن شاء الله افطمهم عن كل شي بس الحين ما ادري وش اسوي
الله يعافيكم الي جربت تقولي وش سوت
على فكرة احس انهم دارين جالسين يدبرون مؤامرات واحد يرجف ظهري والثاني ينطط فوق بطني
ام عبودي ودحومي @am_aabody_odhomy_1
عضوة فعالة
يلزم عليك تسجيل الدخول أولًا لكتابة تعليق.
ماشاء الله تبارك الله الله يحفظ اولادك ويتمم حملك للتاسع اختي طالما الله رزقك فالله اعلم بالخير وأمهات كثير كانوا يجيبوا اطفال وبعد اطفالهم لسه صغار بالمرة أعرف وحدة بس تجلس شهر وتحمل وماشاء الله عندها ستة وقايم بشغلهم زين صح تتعب كثير معاهم بس الحين لما كبروا ارتاحت وألف مبروك على الحمل والله يتمم حملك للتاسع يارب ويحفظ لك اطفالك وتفرحي فيهم
الصفحة الأخيرة
الله يتمم عليك يارب ويرزقك الطفل الصحيح المعافا
اول شي قدمي على شغاله
لان 3 اطفال تحت سن 3 سنوات جنون مستعجل
على الاقل تمسك المطبخ والتنظيف عنك وانت تمسكين الصغار وتربينهم وتسهرين معهم
وانتبهي على نفسك لا يجون البطن والظهر لا يطيح البيبي ابعدي عنهم اللي تقدرين عليه ودااائما حطي وسااده على بطنك وهم قراب ومن ورا خلي داائما ظهرك على جدار او كنب عشان ما يضبرك احد والنوم نامي بعيد عنهم لا يضربونك وبمكان آمن