تحطين بيض وكراث وطماطم ولحمه مفرومه وملح وبهارات وبعدين تحطين قليل من الحشوه في الوسط وتثنين اطراف الفطيره تكون على شكل ظرف وتحطيها على الصاج - ان شاء الله تكوني استفتي مني - والصوره ماطلعت
عادي ياقلبي طماط مقطع وشوي لحم مفروووم مستوي وكراث منظف ومقطع وبيض شوي وبهارات وملح تخلط وتحط فوق الرقاق ثم فوق الحشوه رقاق ثاني ويسوى على الصاج المدهووون وبعدين يقطع 4 قطع وبالعافيه
أول شي حبيتي أحمسي اللحم المفروم بالحاله لين يستوي وحطي عليه ماجي وفلفل أسود ترى الفلفل الأسود والكمون هم اللي مايخلون البيض يبان طعمه في المطبق بعدين لما تستوي اللحمة بعديها عن النار وضيفي لها طماطم مقطع صغار وكراث كثيييييير يكون أكثر من اللحم وحطي عليهم بيض على حسب رغبتك بعدين احشي العجينة وحطيها على الصاج

صراحة أنا اسوي عجينة للمطبق خذيتها من هنا كاتبتها أخت من الأخوات الله يجزاها خير وطلعت مرة مرة مظبوطة والله طلع المطبق أطعم من البرة مو مبين انه مسوى بالبيت

للعجينه :
3 كاس طحين
ملعقة زيت
بيضه
ملح
كاس ماء دافي

تعجن العجينه وتكور الى كور صغيره بحجم اليد تقريبا 6 كور وتوضع في طبق فيه زيت ونصب على الوجه شوية زيت ونغطيها ونتركها ترتاح لمدة 30 دقيقه


نبدأ بتفرد العجينه بقليل من الزيت

ونحشيها بعدين حطيها على الصاج لين تستوي وبصحة وعافية وتراها أطعم من العجينة الجاهزة للمطبق

احمسي البصل العادي وحطي عليه اللحمه
لما تنظج اضيفي كميه من الكراث المقطع مع نص حبه طماطم مع شويه بقدونس تخليه احلى
تكبينه عليه وتقلبين تضيفي نص كوب ماء عشان تنضج وبعدها حطي بهارات عاديه وشو ي فلفل اسود
ولمن تنشف اللحمه

اضيفي بيضتين على اللحمة وقلبيها حتى تنضج البيضه وتندمج مع اللحمه

وخلاص

اما العجينه اضيفي دقيق وملح واعجنيها بماء وارتكيها ربع ساعه ورقيها ارديها دائه كبيره وحطي بوسطها الرقاق المربعه واضيفي الحشوة بالوسط ووزعيها
ثم طبقيها على شكل مربع تتسكر يعني ثم بالنشابه وحطيها على صاج فيه شوي زيت وقلبيها
تسلمين عل السؤال والي ردو عليك استفدنا










الساعة الآن 01:51 .