انا احمر الشعيريه بشويه سمنه بعدين اضيف لها مويه ومرقه ماجي وتغلي خمس دقائق اكون مقطعه بطاطا مكعبات

واضيفها للشعيريه ورشه فلفل اسود وكمون اخليهم علي النار قاربت عشر دقائق حد ماتستوي البطاطا. اقطع كزبرة

وقبل لااطفئ عنهم النار اضيف الكزبرة تغلي معاها شووي بعدين اسكبيها بصحن واستمتعي باالذ شووربه .

في وصفه ثانيه :

تحمسي شعيريه بسمنه < سر الطعم اللذيذ بالسمنه لين يشقر لونها

بعدين تضيفي الماء لها ومرقه ماجي مكعبين وملعقتين حليب بودره

وتحركيهم لمده عشر دقائق وبس . شوربه لذيذة وسريعه جدا للزنقات .
حبيبتي انا من مكة وطريقة اهل مكة بالشعيرية العادية
تحمسي الشعيري بالزيت او السمن الى ان تحمر وبعد كذا حطي السكر وقلبي شوية وعلى طول صبي عليها موية حارة مغلية وارمي كم حبة هيل وشوية جنزبيل صحيح وقطرات ماءورد او كادي وشي بسيط بيكنج بودر حتى تتماسك ولما تنشف الموية وتستوي الشعيرية قدميها وبعض الناس يحطو عليها كباية حليب في اخر استوى وتطلع طعمة جنااااااان

وهناك الشعيرية الباكستانية ولها طرق ثانية طبعا ومعروفة والان ماعندي وقت احطها اذا تحبي احط لك طرقها بوقت ثاني ان شاءالله
وبالعافية ويارب تتهني انتي والعائلة الكريمة
اشرح صدري ويسر امري يارب العالمين
يا ستي انا طريقتي غير مثلكم بس انا استفدت من صلصة البيتزاء الحمراء( الكشنه) اسوي كشنة بيتزاء طبعا بصل وثوم واحمسهم زين وبعدين شوي طماط مطحون وشوي صلصه واقلب لحد ما يتحمس شوي ثم اصب عليه ماء مغلي مقدار كوب وطبعا اضيف كمون وبهارات وفلفل اسود واضع في المقلاه شوي زيت واضع الشعيريه على المقلاه واذا اتحمر من تحت شوي قلبت على الوجه الثاني وبعد كذا احطهم في قدر واسع ثم اصب عليهم المرق وانتبهي المرق لايصير كثير يعني كوب يكفي واذا احتجتي مرق اضيفي شوي ماء حار المهم غطي القدر واتركيه على نار هادئه جدا وبعد خمس دقايق افتحي القدر اذا حسيتي الشعيريه لانت امسكي شوكه كبيره وانكشي الشعيريه لاتحاولي اتكسريها لافككيها شوي اشوي وغطي القدر

صراحه روعه روعه مره اضفت دجاج نتفت دجاج وكشنت له بصل وثوم وحطيت عليه بقدونس وشبت صراحه جنان
اقتباس مشاركة  (ياكبري بعيني)
أنا أجيب الشعيريه وأحط عليها مويه مغليه وملح وماجي وأخليها 5 دقايق تقريبا أو أقل
بس لحد ماتلين شوي
وأحطها في الصينيه وأحط فوقها خلطة دجاج مع خضار وفوقها جبن+قشطه
وأحطها في الفرن من فوق وتحت لحد ماتتحمر شوي
تطلع روووووعه
اول مره اشوف طريقتك شكلي ابجربها00 يعطيك العافيه
الله يجزاكم خير يابنات علي ردودكم الحلوه 00 بس انا طماعه ابي طرق ثانيه ياليت البنات يفيدونا الي تعرف كذا طريقه اتمني تسدحها هنا


الساعة الآن 09:47 .