كل وحده تدخل وتقولي كم ميزانيتها للعيد؟؟ ياربي والله الفين مايكفن شي...!!

سلام
بالمختصر جارت علي الظروف هالسنه والرجال يقول لي مافيه فلوس للعيد غير الفين لك بس :mad:
بالله الفين وش تسوي
مكياج والا اكسسوارات والا لبس والا بجايم والا ملابس داخلية والا هدية لعرس بنت عمي والا.....الخ:icon33:

قسم بالله احس اني محتاسه

بنات قولوا لي كم صرفتم او راح تصرفون ميزانيه للعيد؟.......وعلى حسب الردود راح اقرر اكتفي بالالفين والا ارجع اناقشه :44:
انتظركم وادعوا لي بالرزق الطيب الحلال :09:

تعديل:
ليش كل هذا الحسد يابنات..انا حطيت هذا الموضوع عشان تساعدوني شلون اوزعها وابي اخذ فكره كم تكلفت اغلب الحريم بالعيد عشان اضبط الميزانيه من واقع تجاربكم ولا اصرف الريال الا بمكانه الصح
وللمعلوميه......انا انسانه مادخلت السوق لي 8 شهور وعقب العيدماراح ادخل السوق برضو الا بشهر واحد يعني طبيعي حرمه حارمه نفسها كل هذي الشهور من الشراء تلقين كل شي عندها عدم وخالص وخصوصا ان حمولتي ناس شبه يوميا عندهم طلعه او زوار ..ويعلم الله ان زوجي ظروفه الماديه صعبه مره وتوفر عنده هالقرشين وحب يوفر الناقص وانا عاذرته وبنفس الوقت صعبه اجيب كل شي لي وله ولبني وللبيت بألفين ومثل ماقلت مافيه سوق الا عقب شهر واحد اللي هو عقب عيد الاضحى
وانتم هجمتم مره وحده حسد عيني عينك تحسبون كل شهر يعطيني الفين والحقيقه تمر شهوووووووور ماخذت ريال واحد
الحق ينقال فيه ردود قمة بالتهذيب والادب تحسن بذوق وهي ترد الله يجزاهم الخير
لكن فيه ردود مالها داعي اصلا اللي تقول ليش تقارنين بيننا والا تقول مسرفه واللي تقول مبذره واللي تقول وينك يازوجي تجي تشوف يعني حسد على بلاطه واللي تقول ماتأكل خبز تبينا نقولك كذا؟راضيه كذا؟
وشدعوه ليه انتم تحبون الناس تهجم عليكم كذا لو قلتوا كلمه او طلبتوا الاستشاره بشي؟
عامل الناس مثل ماتحب ان يعاملوووووك
عيب يابنات والادب والحشمه زينه
تحبين تدخلين وتعبريني اختك وتشورين علي من الباب المصلحه ما اقول الا جزاك الله خير وكثر من امثالك ......اما تدخلين عشان تجرحين وتقللين ادب وتستهزئين وتستفزين راعية الموضوع
اقولك بالفم الملياااااااان.....مواضيعي تعذرك ومستغنين عن ردودك الفارغه
واعذروني على هذا الكلام