السلام عليكم ورحمه الله وبركاته اخواتي الفاضلات
الله يجزاها الجنه والديها الي تقولي عن الطحين الجديد بس يضاف له خميره وماء ويعجن
يقولون جنان لدونات والسنبون تطلع هشه وزي محلات الحلويات

يمكن قصدك الدقيق الكويتي !

لكن مو بشرط تكون العجينه لينه لان استخدم طريقة الدقيق الجديد اللي تقولين عنه

فيه مواد تضيفينها للعجينه وتصير الفطائر او السينابون لين وسهل وكذلك طريقة تحضيرها

اذا تبين طريقه حلوه للسينابون فهذي طريقة رووعه
وسميتها بسينابون المها لان اللي سوتها اسمها المها وهي من جد أحلى سينابون ذقته بحياتي حتى كل اللي جربوه يمدحون

اذا تبين الطريقه خذيها وجربيها وردي علي بكره ان شا ءالله

بسم الله الرحمن الرحيم


السلام عليكم


هذي طريقة عمل السينابون بطريقة اختي يا هي تجننن ورووعه جربوها ما راح تندمون بإذن الله



طريقة العجينه


1 كأس ماء افيء + كأس لبن (( وهذا سر نجاح العحينه وليونتها ))


2 ملعقه خميره


5 ملاعق حليب بودر


نص فنجال سكر


ذرة ملح


ثلث كأس زيت



اربع كأس دقيق ويمكن تحتاجين الى نص كأس اضافي


الطريقه
نخلط الماء + الخميره ثم اللبن والسكر والملح والحليب البودر


ثم يضاف الدقيق وتخبطين في العجينه (( سر نجاح العجينه وليونتها )) وأثناء التخبيط تضيفين عليها زيت شوي شوي واذا انتهيتي من العجن تكورين العجينه وتغطينها وتحطينها في مكان دافيء


بعد كذا تجهزين الحشوه وهي


سكر بودره + كاكاو بودره + قرفه بودره


واذا تخمرت العجينه


تأخذين بقبضة اليد عجينه وتفردينها وترشين عليها ملعقة سكر بدوره ونص ملعقه كاكاو ونص ملعقه قرفه
ثم تلفينها مثل الرول و تقطعينها ويكون عرض القطعه 2 سم


وتصفين القطع في صينيه مثل طريقة صف خلية النحل بس تبعدين بينهم شوي
بعد ما ترصينهم تتركينها تتخمر لنص لثلث او نص ساعه
ثم تحطينهم بالفرن وهو دافيء طبعا


بعد ما تستوي من تحت وتحمرنيها من فوق


تضيفين عليها الصوص التالي :


تحطين في الخلاط :
4/3 كوب حليب نيدو
4/3 كوب سكر
3/1 كوب ماء أو اقل من ذلك


+ أربع حبات جبن كيري


أو
((يمكن تضيفين حليب نستله مع ثلث كأس ماء + أربع حبات جبن كيري بدل الخلطه هذي بس انا اشوف ان الخلطه هذي احسن طعم ))


ثم تضيفينها على السينابون وهو حاااااااااار واغمريها بالخلطه


علشان كذا قلت في البدايه ان مقادير العجينه هذي كثيره فانتي خذي نصها وسوي منها السينابون وبالباقي فطائر او بيتزا او خلية نحل


ولا تنسين غطيها كويس واتركينها حتى تتشرب الخلطه


وبعد كذا قدميها وهي حاره وزينها بشكولاته الهرشي


ويمكن تفرزنينها واذا طلعتها سخنيها بالمايكروويف وحطي الهرشي عليها


ملاحظه : سويت بنص العجينه سينابون وبالنص الثاني بيتزا او خلية نحل او فطائر

الله يجزاك خير لا موقصدي الدقيق الكويتي
انتي من وين يالغلالا علشان نفيدك
اللهم علمنا بالعلم النافع
اكثرووووووووووو ا الاستغفاااار
من الرياض


الساعة الآن 05:46 .