عزيزتي الغالية قوت القلب الواحد سويت الطبقين وماشاء الله طلعوا قمة في الطعم

وأنتي والخطيرة ما قصرتن بصراحة و تقريباً الأطباق مشابهة باللي كنت أقصدهن بس

مش نفسهن بالضبط. المهم حبيباتي أنا سويت الأكلات ووايد لذيذة و أشكركن على تعاملكن الرائع وياي

والله يوفقكن ويسعدكن في الدنيا والآخرة إن شاء الله
هلا الغالية الخمائل ... هلا براعية الدار

مشكوووووورة يا الغالية على الطبق اللي كتبتيه وأوعدج إني يسويه في أقرب فرصة

وبخبرج باللي صار

والحمدلله إن سيلانيتكم عرفت الطبق الثاني و بانتظاره على أحر من الجمر

بالنسبة للطبق الثالث بحاول أوصفه أكثر

أهم ما يميز هالطبق إن خدامتنا كانت تبشر جوز الهند الطازج بأداة يدوية
إييبونها من بلادهم أو يدلون هم من وين إيبينها من عند صديقاتهن
فهالأداة تبشر جوز الهند الطازج يعني تقسم حبة جوز الهند نصين و تحط نص داخل الجوز
و تحرك الأداة بيديها فتبشر لب جوز الهند

وبعدين تاخذ اللب المبشور ويكون رطب ولازم علشان تسوي الخبز إنه يكون مبشور طازج
مش اللي ينباع في الأسواق
وتخلطه مع الطحين و الماي وما أدري شو وياه

فتتكون عجينة غليظة شوي تقسمها لدوائر و كل دائرة تفردها بحجم دائري متوسط
و بعدين تييب تاوة و تمسح شوي زيت
بس مسحة خفيفة على التاوة
وتحط كل مرة دائرة و يصير شكله مثل الجباتي لونه أبيض على رمادي
ونقط سوداء من تأثير حرارة التاوة وبس
أتمنى أكون قربت لج الصورة أكثر
وبانتظارج الغالية وعسى الله يسعدج و يوفقج في الدنيا و الآخرة .. آمييييييين
هلا بك أختى الغاليه
أعطيج الطبق الثالث وأسمه روتي وأسم الأدة الي يستعملونها فى بشر النرجيل ( تر ول )
المقادير :
بشر واحد نرجيل
4 أكواب طحين
ملح حسب الرغبه
زيت 3 ملاعق طعام
ماء حار من 2 الى 2 ونص حسب ما تاخذ العجينه
الطريقه :
أولا نخلط الزيت مع الطحين ثم نضيف له بشر جوز الهند بعد ما خلطناه بالمح جيدا ثم يضاف الماء الحار شوي شوي مع العجن وحسب ما تاخذ العجينه أهم شيء أن تكون اليد ما لصق بها شي بعد الأنتهاء من العجن وتكون العجينه أسمك من عجينه الفطاير ....... ثم تكور وتفرد بالنشابه بدون أظافه زيت أو طحين وقت فردها .... ثم تمسح المقلاه بالزيت وتخبز ........ بالهنا والعافيه على قلبك


ممكن تلاجين الأداه مالت بشر جوز الهند عند محلات بيع المواد الخاصه بالهنود .....
وأنتظرى الوصفه الثانيه
الاخت ريم :

بصراحه النا ماعندي خدامة سيلانيه ولكن احس ان الاكلات الثلاثه سهلة التحضير من خلال كلامك عن المقادير حقتها .

اوعدك اني اجرب طبخها واقولك على النتائج!!!!!!!!!!!!!!!!!:24: :24:
السلام عليكم أخواتي، بصراحة ما عندي خدامة سيرلانكية فلا استطيع اني افيدك والاخوات والحمد لله ما قصروا، بس بغيت أسأل الأخوات الي عندهم خدامة سيرلانكية، وحنا صغار كان عند أهلي وحدة وكانت تعمل من الرز المسلوق، رز مقرمش مع السكر وكان لذيذ ورائع وحنا الأطفال كنا نموت عليه، بس للأسف سافرت من غير ما نتعلم منها الطريقة، والحين نفسي فيها موت، ياريت خواتي تفيدونا بالطريقة وجزاكم الله خيراً.
"أشهد أن لا اله الا الله وأشهد أن محمدا رسول الله"




الساعة الآن 12:42 .