السلام عليكم ورحمة الله وبركاتة
أختى ريم مجلودي
هذه الوصفه الثانيه مثل ما وعتك
حبيت تحظرها أمامى حتى أعطيك المقادير مظبوطه أن شاء الله
المقادير :
2 كوب طحين ونص
ملعقه صغيره ونص ملح
ربع ملعقه صغيره كركم
ملعقه صغير ممسوحه بيكربونات الصوديوم
2 كوب ماء فاتر
كوب جوز الهند مبشور
ثلاث أرباع الكوب سكر
حليب حسب الحاجه
الطريقه :
أولا نضع الطحين والملح والكركم و بيكربونات الصوديوم والماء ونعجن المقادير ونغطى العجينه ونضعها فى مكان دافى 40 دقيقه ......................... ثم نحظر الحشوه فى مقلاه نحرق نصف فنجان سكر ونضيف له ملعقتين ماء حتى يذوب السكر المحروق ( لا تحرقيه كثيرا ولكن حتى يصير لونه بنى ) ثم نضيف جوز الهند والسكر ونخلطه حتى يتجانس دقائق ............... بعد أن تخمر العجينه نضيف لها الحليب حتى يصبح قوامها مثل قوام عجينه البان كيك .....
ثم نصب مقدار من العجينه فى مقلاه ممسوحه بالزيت ولا نتركها تتحمر كثيرا ثم نقلبها ونضع الحشوه فى الوسط ونثنى الأطراف حتى ننتهى من المقدار ........... وبالهنا والعافيه
أختى نسمه صبا
ياريت توضحين أكثر حتى أستطيع مساعدتك
السيرلانكيه باين عليها شاطره فى الطبخ
والوصفات أخليتها تحضرهن قبل وصراحه ماعليهن كلام وكل وصفه أحلى من الثانيه
هلا الغالية الخمائل

بصراحة ما أعرف كيف أشكرج على مساعدتج الكبيرة وياي

وماشاء الله عليج يبتي لي حتى اسامي الأطباق بالسيلاني وتصدقين

هالشيء وايد بيفيدني مستقبلاً لأني ناوية إن شاء الله أييب لي خدامة سيلانية

بصراحة طيوبات ومتعاونات و حنونات وخدومات

واعذريني لأني تأخرت في الرد عليج

لأني انضغطت الأيام اللي طافت بالزيارات و الطلعات

وبالنسبة للطبق الأول سويته وطلع حلو وتسلمين لي والله

حتى عيال أختي أول مرة يحبون مرق خضروات جذيه

وأخوي قال لي كل يوم سويها حقنا

لأن عايلتنا تحب التغيير في الأكل

وبدور لي فرصة علشان ألقى ( ترول) لبشر الناريل

وبسير السوق أدورها

و مشكورة بعد على طبق ( سوتي) لأني أحبه وايد

وإن شاء الله بسويه اليوم

ومشكورة ألف شكر يا الخمائل على تعاونج وياي

وعسى الله يسعدج ويوفقج في الدنيا والآخرة

وينولج كل اللي في بالج وكل اللي تحبينه وتتمنينه

ويا بنات صدقوني الأكلات السيلانية حلوة وسهلة

وما بتندمون إذا جربتوها

وإن شاء الله أول ما أطبخ الأطباق الباقية ( روتي) و ( سوتي)

بخبرج بالنتايج أول بأول

وإذا سوت لكم سيلانيتكم طبق يديد أو ما ذكرته

ياليت تكتبينه حقنا.. لأن أكلاتهم سهلة وفي متناول اليد
واسهل عن الأكلات الهندية بوايد
والله يخليج ويحفظج يالغالية الخمائل
وإذا تذكرت أكلة غير بخبرج بمواصفاتها

وألف ألف شكر يالغالية الخمائل
هلا الغالية زبنة الرياض

مشكورة على مرورج الحلو

و ياليت تجربين بعد آخر طبق كتبته الخمائل

لأنه صدق رهييييييييييب

وبعد خبز جوزالهند فعلاً لذيذ

وياليت تخبرينا بالنتايج

وأنا إن شاء الله يوم بجربهم بخبركم بالنتايج

ومشكورة أختي
هلا الغالية نسمة صبا

فعلاً البنات ما قصرن

والله يخلي لنا بنات حواء المتعاونات

وفعلاً الأكلات السيلانية حلوة

وإتم في البال وما نسيناها من حلاوتها ولذاذتها

وبصراحة الطبق اللي تكلمتي عنه ما أتذكره

ياليت توصفينه أكثر يعني إذا عالق في ذاكرتج

شكله؟ قريب لأي طبق، و طعمه؟ ومكوناته؟ وطريقة عمله

ياليت تقربي لنا صورته أكثر وإذا عرفته بساعدج في التوصل إليه

و ياليت تجربين الأطباق اللي توصلنا لهم بمساعدة الخمائل و قوت القلب الواحد و الخطيرة

لأنهم فعلاً أطباق حلوة

ومشكورة على المرور الغالية


الساعة الآن 12:32 .