Analysis Services

السلام عليكم ورحمة الله وبركاته
تقبل الله منا ومنكم الصيام والقيام وصالح الاعمال واعتقنا من النيران ...

اخباركم وعلومكم ....ووش جديدكم ..>>مسكت خط

طبعا هذا اول موضوع لي انزل فيه طبخه وصور بعد

دايم ادخل استفسر او اسأل او ارد بس

عاد مو من قل مااطبخ او اعزم للقهوة او العشاء بس مدري بحزتها ماافكر اصور وانزل طبخات

وياكثر ماصورت طبخات واقول بنزل واتميلح قدام وبالاخير ماانزل شيء

>>>يعني خررررررررررطي على الفاضي خخخخخ

الموهم بموضوعي هذا الله يسلمكم زوجي الثلاثاء اللي فات عزم 3 من زملائة للفطور كانوا 4 بس واحد اعتذر بسلامته

طبعا جت مفاجأة العزيمة وانا بلحالي مامعي احد يساعدني يالله امداني اسوي هالاطباق

والله ودي باكثر بس الوقت داهمني >>اتعب على هالكلمة

المهم هذي سفرة الفطور الاول على قولتكم هههههههه
طبعا النك طيوف الشوق هذا اسمي بمنتدى ثاني
بعد ماضبطت الصور بالفوتوشوب نسيت اكتب جلكسي كراميل بعد
وتعيجزت والله ارجع واضبط فيها لاني تعبت
لي يومين بنزل الموضوع والتحميل رفع ضغطي
يعني تراه انا مو احد ثاني


كانت عباره عن
التمر ومعطينا اياه واحد من الجيران جزاه الله خييير يجنن

اصابع العروس او زنود الست او اصابع الجبن >>تتعدد الاسامي والمضمون واحد
حطيت عليها نستلة ورشيت قرفة واااااااااو تجنن

والجبنية ...وسالفتها سالفه
كنت مترددة اعجنها او لا خفت مايمديني ازينها بس توكلت على الله وعجنتها وقللت المقدار
يوم خلصت عاجنتها وتخمرت وجيت بفردها تذكرت اني ماحطيت جبن خخخخخخخخخخخ وااااااو يالنكبة
ضاق صدري وقلت بس خربت ياسفابها ..قلت خلاص بفردها وبحشيها جبن واقليها ..واثر الوقت مايمدي
فردتها وقطعتها وقليتها وصارت حلوة وانتفشت معي بالزيت الحمد لله

والسمبوسة نصها قليتها ونصها بالفرن عشان نرضي جميع الاذواق ومعها بنفس الصحن وردات البف باستري بالدجاج والجبن

وهذا السبرنق رول وحشوته خوووووووووووورافيه جدا خذتها من صديقتي الله يوفقها ويسعدها
اسلقي بطاطس واسلقي بيض ثم اهرسي البطاطس وقطعي البيض صغير
بعدين سوي حمسة بصل محموس بزيت واذا ذبل حطي عليه طماط مقطع صغير وملح وفلفل وشوي بهارات وخلوها تتسبك شوي بعدين ضيفي لها البيض والبطاطس وقلبي شوي ثم سكري النار وضيفي له شبث مفروم وبقدونس
ولفيتها وغمستها ببيض ثم دقيق وقليته بالزيت

صينية التوست بالدجاج والكل يعرف طريقتها وزوجي يموووووت فيها
طبعا كنت ناوية احطها بسفرة العشاء بس زوجي اصر علي احطها مع الفطور >>>يحب كل شيء مع الفطور فديته

وهذا التانج والفيمتو والقهوة



حبيبات ألبي لاتردووون باقي سفرة العشاء بحطها بالرد الثاني
فديت اللي يسمعون الكلام والله
19-09-1430 هـ, 12:13 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعطيك العااااااافيه
19-09-1430 هـ, 12:14 صباحاً
 
ماشاء الله
سفره دايمه
يلا انتضر الباقي
19-09-1430 هـ, 12:23 صباحاً
 
يسلمووووووووووووووووووووووووو وفديت يدياتك الحلوييييييييييييين
19-09-1430 هـ, 12:26 صباحاً
 
وهذي كانت سفرة العشاء



وكانت عبارة عن
الشوربة سيدة السفرة


وباقي معجنات اللي عالفطور السمبوسة والسبرنق روول وصينية التوست


وصينية مكرونه بالجبن والقشطة واااااااااااااااو تجنن واعجبت


وهذا الحلى
اكواب باسكن روبنز بالاوريو يجنن ويواجه بس انه حااااااالي بقووة عشان الهيرشي اللي تحت


وكان بسفرة العشاء ميني برقر حشيتة برقر دجاج ومخلل خيار وجبنة وحاطة معه بطاطس كرسبي مقلي من عمايلي واذكر اني مصورته بس مدري وين نحاشت الصورة

وبس كانت هذي العزيمة .
ارجو ان تكون حازت على اعجابكم
والله الله بالردود اللي توسع الصدر

سلمــــــــــــــــــــــــــــــلم
19-09-1430 هـ, 12:27 صباحاً
 


الساعة الآن 02:12 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏